70 menor de edad nga nagtambay na rescue

ANAA sa dul-an gatos nga mga estudyante ug mga menor de edad ang na-rescue sa Regulatory and Complaint Board (RCB) sa operasyon sulod sa mga tulo ka adlaw diha sa Barangay Bonbon, siyudad sa Cagayan de Oro.

Gibutyag ni Antonio Resma Jr., Inspectorate Team Leader sa RCB, nga anaa sa 70 kapin nga mga estudyante ug menor de edad ang nagtambay-tambay sa mga beach nga pulos estudyante sa high school sa maong dapit ug dunay naa usab sa mga internetan.

"Naa sa mga 70 kapin na ang mga minors sa Bombón, naay sa internetan, sa beach mga high school. Wala nag-inom, nagtambay-tambay man mao lage na tingklase man to oras," matud ni Resma.

Giingong wala kini silay nasapon nga nag-inom apan lage anaa sa beach ang mga estudyante sa high school sa maong dapit nga anaa sa 15 nga mga magbarkada ug nagpares-pares.

"Yes mga minors, mga estudyante. Salamat sa Diyos, wala pud sila nag-inom pero murag mao lage na kasagaran naa sa beach, pares-pares, magbarkada. Mao lage na dili sila nagtambay-tambay kay oras sa tingklase dapat sila mo-eskwela," dugang niini.

Nagpasalamat usab ang RCB sa mga kapitan sa matag barangay nga niabaga ug nisuporta sa hugot niini nga kampanya aron usab nga maprotektahan ang mga kabataan ug mapadayon ang hugot nga kampanya nga magpabilin nga child friendly city ang siyudad.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph