SUPERBALITA CEBU

Ordinansa sa face mask, plastic ban i-review sa Mandaue

MGA ordinansa sa plastic ban ug bonnet o face mask maoy unang prayoridad nga susihon sa Konseho ubos sa administrasyon ni Mandaue City Mayor Jonas Cortes.

Lakip usab sa nahisgutan mao ang pag-usway sa house rules, committee on chairmanship ug ang paghatag og financial assistance sa mga nasunogan.

Bisitahon sa Konseho ang mga ordinansa sa plastic ban ug face mask ban aron matan-aw kon unsay angay ipadayon ug ihunong.

Mo-review ang tagsa ka committee nga naghupot sa mao nga mga ordinansa kaniadto, sama committe on environment ug committee on transportation. Sila usab ang mohatag og report.

Si Vice Mayor Glenn Bercede nipasabot nga ang administrasyon ni Cortes sukad pa sa una consultative.

Di sila modiritso og desisyon kay ila pang konsultahon ang stakeholders ug maminaw sa ilang tagsa-tagsa ka sugyot.

“Ang atong administrasyon man gud sukad sa una ni Cortes, consultative man gud. Mao nga i-invite gyud nato ang mga stakeholders kay lisod man gud. Dili man mi magdesisyon diri-diritso...at least sila maka-suggest ug open sila,”matod ni Bercede.

Ilang gipaabot nga maayo ang dagan sa administrasyon ni Cortes kay ang tanang mga sakop sa konseho ilang kapartido.

Gawas pa niini, samtang di pa sila mag-session, duna silay mga caucus meeting diin tukion na daan ang importanteng agenda sa meeting.

Ila usab nga ibalhin ang session, gikan sa Miyerkules ngadto na sa Lunes.

“Tanang mga seminars mosugod na sa Miyerkules, Huwebes ug Biyernes. Unya di kalarga sa seminar kay naa may session inig ka hapon. Pero kon imong i-Monday, the whole week ana ang konsehal nato pwede makalarga”, pagpasabot ni Bercede.

Sa pagkakaron, padayon una nga Miyerkules ang session kay wa pa na-amendar ang pagpahigayon sa adlaw.

Nihangyo usab si Bercede kang Cortes nga ipabalik og patukar ang Mandaue hymn matag human sa national anthem.

Matod niya nga dunay makuha sa pagkanta sa Mandaue hymn. “Ma-touch ka, aduna kay belongingness, belong to Mandaue gyud ka. Ma-feel nimo nga ikaw usa ka Mandauehanon,” dugang ni Bercede. (Leonor Jorge ug Jessa Mae Genobisa - CNU Comm Interns)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph