SECTIONS
Wednesday, August 21, 2019
SUPERBALITA CEBU

Migallen: Chao Sy in, Hayco out

Taym pa

SA NIAGING semana, atong nahisgutan ning atong lindog ang kabahin sa mga kausaban unya sa modumala sa Cebu City Sports Commission (CCSC) ubos sa bag-ong molingkod nga pagka-chairman.

Niadtong higayona, wa nato ibutyag kon kinsa ang posibling itudlo sa bag-ong napili nga si Mayor Edgar Labella pagka chairman sa CCSC sanglit ang tanan nagpabilin pang hugonhugon.

Gani dunay mga taho nga posibling magpabilin si Edward Hayco kinsa sulod na sa siyam ka tuig nga nakaserbisyo sa maong puwesto.

Apan di pa lang gyud dugay, usa ka kasaligang tinubdan ang nagbutyag nga mahulipan gyud si Hayco sa maong puwesto ug aduna na unyay mga bag-ong nawong nga modumala sa maong buhatan.

Matod pa nga ang beteranong si sportsman/businessman nga si Chao Sy kinsa suod usab ni Mayor Labella ug vice-mayor Mike Rama maoy mopuli sa puwesto.

Sa niaging adlaw lang nakompirmar ni Chao Sy nga siya ang gitudlo sa mayor pagka chairman sa CCSC.

Apan matod ni Chao nga wala pa siya moapura paglingkod sa maong puwesto sanglit wala pa man siyay nadawat nga appointment gikan sa mayor.

“Actually, mao man gyud nay gihatag ni mayor nato, pero wala lang sa ko mo-report kay gusto nato nga duna tay pormal nga appointment. Mao ra nay atong gipaabot,” matod ni Chao sa dihang atong gikahinabi.

Sa higayon nga madawat na ni Chao ang maong appointment, matod niya, nga mopahigayon siya og lahugay sulod sa CCSC ug natural kadtong mga dali ra niyang ikasabot sa pagpadagan sa maong buhatan maoy iyang prayoridad nga ikakauban.

Gani duna na siyay mga tawo nga gusto niyang ikatambayayong. Kini sama nila ni Dr. Rhoel Dejano, athletic director sa University of Cebu nga si Jessica Honoridez, Gerald Canete sa Arnis.

Tinguha unta niya nga malakip ang giilang boxing patron sa Sugbo nga si Antonio L. Aldeguer, pero nibalibad kini sa iyang imbitasyon.

Gibutyag ni Chao Sy nga ubos sa iyang administrasyon, iyang tutukan ang pagpalambo sa mga individual events sama sa boxing, track and field, swimming, karatedo, table tennis ug uban pa ug magpagpahigayon og qualifiying round sa mga atleta nga maoy molangkob as Cebu City delegation alang sa mga regional ug national competition.

Matod ni Sy nga ang Philippine Sports Commission (PSC) misaad kaniya og P50 million nga assistance alang sa pagpatukod og building nga madugang sa mga training facilities sulod sa Cebu City Sports Complex.

Dunay mga sugyot nga ipabilin si Hayco isip usa sa iyang mga commissioner aron mapadayon ang mga grassroots level nga nasugdan na niini.

Pero kini magdepende lang usab sa desisyon ni Chao Sy, kinsa sa iyang pagka pribadong indibiduwal naila sa iyang pagka boxing ug basketball promoter sa Sugbo.

Goodluck kanimo, Boss. (jun.migallen22@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph