PADAYON ang pagtagawtaw ni American Keith Thurman ug gisaad niyang ipagawas ang labing maayo niyang ikabuga aron tumanon ang iyang dugay nang bahad nga iyang pretiruhon si Filipino boxing icon Manny Pacquiao.
Ang duha mag-abot ibabaw sa ring karong Hulyo 20 (Hulyo 21 sa Pilipinas) sa MGM Grand Garden sa Las Vegas, USA diin protektahan ni Thurman ang iyang World Boxing Association (WBA) welterweight ‘super’ version nga titulo.
Kahinumdoman nga ang Pambansang Kamao ng Pilipinas mao ang nagparetiro nila ni boxing legend Oscar De La Hoya, Ricky Hatton ug Lucas Matthysse ug gipasiatab ni Thurman nga mao kini ang iyang buhaton ngadto kang Pacquiao.
Alang kang Thurman, nilabay na ang panahon sa 40 anyos nga si Pacquiao ug panahon na aron siya maoy maghari.
“I’m very grateful, very happy to be sharing the ring with a legend like Manny Pacquiao,” asoy ni Thurman sa boxingscene.com.
“But for those who know boxing and truly understand boxing history times change. I believe boxing has come to a new era. Floyd [Mayweather Jr.] is gone. Pacquiao is here. Come July 20 he will disappear.”
Nidugang si Thurman nga wala siya’y nakitang rason nga dili niya malupig si Pacquiao.
“Come July 20 you will see one of the best Keith Thurmans that you’ve ever seen,” dugang ni Thurman, kinsa adunay 29-0, 22KOs nga rekord.
“I worked hard to be a champion. I’ve always wanted to fight some of the greatest names in the sport of boxing. It’s my first pay-per-view. New territory for me. Not new territory for Manny Pacquiao.” (ESL)