AMINADO si kanhi Department of Agriculture undersecretary Pompee La Viña ng ang iyang deklarasyon sa pagpapili sa pagka-mayor sa siyudad sa Cagayan de Oro sa sunod nga eleksyon tuig 2022 nga di mahitabong magkontra sila ni Misamis Oriental Governor Bambi Emano.
"Dugay pa ang eleksyon but the bottom line is I can assure everybody hundred percent, labina ang Padayon, nga dili gyod mi magbulag ni Bambi kay mag-uban gyod mi sunod eleksyon. Hugot akong pagtoo nga parehas siya sa iyang amahan kung unsay sabot iyang barugan ug tindogan. Pero sigurado ako nga dili kami magbulag. Ako mismo dili mosugot mabuak ang PaDayon Pilipino ug I am confident nga usa ra sa amo ang modagan," matud ni La Viña, human una nga
namahayag si Emano nga option niya ang magpapili pagka mayor sa dakbayan sa Cagayan de Oro.
Gipasabot sab niini ang mga rason nganong mideklarar pagka mayor taliwala nga bag-o pa natapos ang eleksyon.
"Nagsaad ko ni Mayor Dongkoy nga dili nako pasagdan ang lider sa Padayon Pilipino. I have 100,000 supporters in Cagayan de Oro nga padayon nagtoo og bag-ong Cagayan. Above all no corruption, gatoo pa sila ana kay ako naghatag ana nga damgo kay walay damgo nga dili makab-ot," matud niini.
Kumpiyansa sab kining angayan siya nga front-runner sa tuig 2022 tungod kay aminado kining wala kaayo naila apan sulod sa 45 nga kampanya nakakuha og dako nga suporta gikan sa Cagayan.
Gipaabot sab ni La Viña nga bisan paman nga sayo pa kaayo sa pagkakaron, nagpokos siya sa iyang mga anak ug iyang panglawas ug aktibo sila sa paghatod serbisyo sa ilang Chavez-Neri Clan kon asa ilang gibisita bag-ohay lang ang mga bata sa Northern Mindanao Medical Center ug gihatdan og hinabang.
Kagahapon atol sa pagpakayab sa nasudnong bandila, gikumpirmar ni Emano nga naghinabi na sila ni La Viña labot ani.
"He's one of those leaders that I think my father choose very well tungod kay bisan og naparot siya gipakigkitaan niya, gipasalamatan niya sa tanan kahago bisan sa iyang kaparotan apil ang iyang mga kaubang kandidato," pasabot ni Emano ug niingon nga iya kining suportahan.
"Kung magpapili siya pagka mayor, ako siyang paluyohan ug suportahan," matud niini ug miingon nga option lamang kadto ug daghan pa nga position nga pwede niyang daganan.
"Well if that position is vacant, daghan pa kaayo position. Pwede mayor sa Tagoloan, pwede ko mobalik sa congress, pwede ko mag vice governor dili lang available position. Pompee will always be our priority," pagklaro ni Emano.