PORMAL na nga milingkod isip bag-ong director sa Misamis Oriental Police Provincial Office (Moppo) si Police Colonel Robert Roy Bahian nga kanhi nadestino sa probinsya sa Camiguin.
Iyang gihulipan si Police Colonel Rolando Destura nga karon usa na ka chief-of-staff nga nadestino sa Police Regional Office-Northern Mindanao.
Ang tigpamaba sa Moppo nga mao si Police Captain Princess Joy Enriquez niingon sa SunStar Superbalita Cagayan de Oro nga sa pagkakaron, wala pay gipahigayon nga revamp ang bag-ong director kon pagbalhin sa mga station commander sa nagkadaiyang lungsod.
Usa sa kamandoan niini mao ang pagmintinar sa giyera kontra druga ug operasyon batok sa ilegal nga sugal.
"As of now, pinapa-maintain niya po ang mga operations against illegal drugs and gambling," butyag niini.
Nagsugod na usab kini pagbisita sa mga police station sa nagkadaiyang lungsod sa lalawigan uwahi sa Gingoog City.
Gitakda usab kining mag-courtesy call kang Misamis Oriental Governor Bambi Emano.