ANG Department of Labor and Employment (Dole)-Davao mipakita og suporta sa pagpromotar sa National Disaster Resilience Month (NDRM) pinaagi sa pagpadala og pito nila ka empleyadong managanay alang sa “R4R: Run for Resilience” sa People’s Park, Davao City, Hulyo 7, 2019.
Uban sa tema nga “Kahandaan sa Sakuna’t Peligro Para sa Tunay na Pagbabago”, ang 3K Fun Run nagtumong sa pagpromotar sa bulan sa Hulyo nga National Disaster Resilience Month.
Ang aktibidad gipangunahan sa Regional Disaster Risk Reduction and Management Council (RDRRMC) XI, pinaagi sa Office of the Civil Defense (OCD) XI.
Ang National Disaster Resilience Month Celebration subay sa paglagda sa Executive Order No. 29 nga nag-ila sa Hulyo nga National Disaster Resilience Month gikan sa National Disaster Consciousness Month. (PR)