Taga Davao, Digos mipatigbabaw sa Ultramarathon



USA ka bulan human siya milampurnas og kadaugan sa SarBay 50 Ultra Marathon sa Sarangani Province, si Davao City’s Olive Firmeza ug Digos City’s Arnie Macañeras mipildi sa tagsa-tagsa nila ka kaatbang, nakuha ang titulo sa Panabo Runner’s Club 75KM Ultramarathon nga gihimo sa Montevista Municipal Hall ngadto Panabo City Hall sa nakalabay nga weekend.

Si PhilHealth runner Firmeza, 44, miangkon sa kadaugan human mioras og walo ka oras ug duha ka minutos, aron pildihon si Hedda Riola sa Team Kapwa nga mioras og 8:38 ug Ma. Theressa Basallo sa Timberland Ultra Runner nga mioras og 9:43.

Si Firmeza, sa Facebook interview, nagsulti nga pipila ka bulan sab siyang nangandam sa kompetisyon.

“Adequate training and preparation Ma’am. Endurance talaga po Ma’am. It’s completely different from short distance run. Kailangan ma sustain mo ang pace mo for a long period of time,” suma niya.

Siya midawat og cash prize nga P4,000, finisher shirt, ug champion’s trophy.

Dihang gipangutana kung nganong miapil siya sa taas kaayong lumba-dagan, luyo sa gamay nga premyo, “Regardless sa prize, running is my passion. Priceless ang fulfillment, honor and pride.”

Nagpasalamat siya sa iyang support team tungod sa pagpabilin kaniyang hyradated hangtud sa nahuman ang lumba.

Dugang niya, nga ang 75K event mao ang prepasyon niya sa iyang Kadayawan sa Davao Region Ultramarathon 520K, nga giilang longest footrace sa Mindanao.

Samtang si Arnie Macañeras sa Team Davao Striders Club mioras og 6:56 aron manguna sa men’s crown kontra Jonathan Pido sa Philippine National Police/Podium Mutlisport (7:19) ug Jules Cayetano sa PNP Davao (7:21).

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph