GIAWHAG sa mga nag-organisar sa Health Run Year 5 ang mga mahiligon og lumba sa dagan sa Sugbo sa pagsalmot sa ilang fun run karong Agusto 4 sa Pescadores Road, Cebu Business Park.
Ang lumba, nga gipasiugdahan sa ThreeSixty Pharmacy, abli alang sa tanan ug aduna kini upat ka mga kategoriya – ang 21 kilometer, 12K, 6K ug 3K nga pulos adunay men’s ug women’s divisions.
“From our tagline quality life. We would like to promote health and wellness not just within our company but also to the community,” matod ni ThreeSixty Pharmacy marketing officer Marianne Verano kagahapon sa usa ka press conference.
“The impact of the run has been positive for us in the past years, the positive feedback is the reason why we continue to do this.”
Si race director Joel Juarez sa Coco Running nagkanayon nga moabot sa P60,000 ang kinatibuk-ang ganti nga salapi sa lumba.
Sa 88 ka sangang mga buhatan sa ThreeSixty Pharmacy dinhi sa Sugbo, 18 niini ang modawat og mga rehistrante alang sa lumba.
“So far there are no changes for this year, we just added a celerity guest. It’s the first time for the company to invite a celebrity,” dugang ni Verano, kinsa nagtumbok sa aktres nga si Regine Tolentino, kinsa maoy mangulo sa zumba activity.
Gawas sa ganting salapi, ang mga partisipante aduna sab kahigayunan nga makadaog sa raffle draw diin usa ka bag-ong Iphone ang grand prize.
Juarez said the sponsors will put up booths within the finish area where the participants can get free sample products.
Ang rehistrasyon, nga kutob ra karong Hulyo 31, nagkantidad og P650 sa 21K, P550 sa 12K, P450 sa 6K ug P350 sa 3K. (RSC, ESL)