Guiao kuntento

DAKONG kuntento si national coach Yeng Guiao sa iyang nasaksihan sa labing unang tune-up game sa Gilas Pilipinas isip tipik sa ilang preparasyon alang sa 2019 FIBA Basketball World Cup nga sugdan karong Agusto 31 sa China.

Ang Gilas nakigbatok sa Mighty Sports squad nga gilangkuban og lima ka imports sa Philippine Basketball Association (PBA) nga naglakip nila ni Renaldo Balkman ug Eugene Phelps.

Bisan sa kalig-on sa ilang kontra, ang Gilas nakamaneho gihapon pagtabla sa duwa, 85-85, ug ilaha kining nahimo bisan wala pa naabot ang ilang naturalized player nga si Andray Blatche.

Alang kang Guiao, maayo na kaayo ang resulta alang sa Gilas nga sulod pa lang sa usa ka buwan nga nag-ensayo ug aduna pa’y ubang pambato sa team nga wala nakaduwa.

“Coming into the game, I didn’t really expect much. But the guys really showed good effort. I’m happy with the results,” matod ni Guiao sa interbyu sa Spin.ph.

“Playing a really good quality team like Mighty Sports is really good practice for the national team. It’s good exercise for us, in terms of our preparation.”

Ang Gilas ningbangon gikan sa 10 puntos nga pagkalubong sa pagpangulo nila ni Japeth Aguilar ug JuneMar Fajardo aron himuong sikit ang kombati hangtod na sa katapusang gutlo.

Sa hinapos nga bahin, nakamugna og unom ka mga puntos ang Mighty Sports apan ningpabuto og duha ka sagunson nga three-point bombs sila si Marcio Lassiter ug CJ Perez aron tablahon ang duwa.

“We just lived off our natural chemistry and it’s really nice to look at. Nobody really was trying to dominate the game, the ball was moving around, they showed good effort on defense,” pasabot ni Guiao.

“We haven’t really practiced defense the past few days that we practiced, but with the stock knowledge that they have, I think we can still improve on a lot of departments.

Si Blatche nakaeskedyul nga moabot sa nasod karong Hulyo 12 aron moapil na’g sugod sa ensayo sa Gilas.

Karong Agusto sa dili pa sila mohamag sa World Cup, ang Gilas molarga paingon sa Spain aron mosagubang og dugang tune-up games.

“We’d like to play some more games, but there’s really no team as of now that we can look at with the quality that’s going to help us prepare,” matod ni Guiao.

“I think we really have to look at that when we go to Spain, that kind of competition when we go to Spain.”

Ang labing unang coach sa Gilas nga si Rajko Toroman nipadayag sa iyang pagtuo nga makakombati og insakto ang Gilas sa kampanya niini sa World Cup. (ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph