HALOS dili manindog sa ilang lingkoran ang mga audience dihang nagtapos na sa ilang katapusang awit ug nagpasalamat na sila Julie Anne San Jose ug Christian Bautista nga giilang The Sweetheart and the Balladeer atol sa Kapuso Concerts adlaw’ng Sabado sa Limketkai Atrium, Limketkai Center, dakbayan sa Cagayan de Oro.
Gikulangan pa ang mga Kagayanon ug sobrang nabitin pag ayo human wala katulga ug sobrang gilingaw sa ilang mga talagsaong performance.
“Bitin, super fun, entertaining, sulit, nice performance!” Tipik lang kini sa reaksyon sa mga audience human sa concert.
Lakip sa naghatag og lingaw kung asa halos dili kahimutang sige og katawa ang audience sa tambalan ni Donita Nose ug Super Tekla.
Dili sayon ang magpakatawa apan kering keri kaayo sa duha nga maka ihi ihi sa ilang lingkoran ang Kagayanon.
Labihan sab ka alegre ni Kyline Alcantara sa iyang performance diha sa dance floor human todo hataw kini sa K pop dance hit sa Black Pink.
Duna sab kini duet ni Christian Bautista kon asa dghan nakarelate sa ilang awit nga Di lang ikaw.
Jampak ug puno ang Limketkai Atrium sa Kagayanon ug makadayeg ang ilang gihatag nga performance ni Julie Anne ug Christian.
Si Julie Anne nga sobra ka talented nagpakita sa iyang talento dili lang sa pag-awit apan lakip sa pagsayaw ug pagpatugtog og piano.
Walay kupas sab ang performance ni Christian Bautista nga sa tingog pa lang niini bisan kinsa mahigugma.
Daghan ang naglaom nga masundan pa kini nga konsyerto!