GIPAKAULAWAN ang usa ka pulis pinaagi sa pag-post sa iyang hulagway diha sa social media diin gipasanginlang dunay kabit ug nagbahad niadtong nilabay nga adlaw.
Nidangop ang usa ka giingong pulis nga si Apollo (bansagon gitago) nga taga Barangay Carmen human nga gi-post ang hulagway niini kinsa giingong nagselos sa kabit rason nga gibaharan ang usa ka Mateo, 45 anyos.
Nasayran nga sa post ni Mateo sa Facebook lakip ang dagway sa mismong pulis diin nagaingon kini nga gibayaran kini lakip iyang pamilya human nga nagselos sa iyang kabit nga giingong barkada ra ni Mateo.
“Ayaw hugawi ang image sa kapolisan sa Cagayan de Oro sir... tungod sa imong ka bugok! Ug mamatay ko kini nga tao nagpatay akoa mga fbf... salamat,” kini ang post ni Mateo.
Samtang diha usab sa social media, giklaro ni Apollo nga walay kamatuoran ang maong alegasiyon ug igo lang kini naghimohimo og istorya batok kaniya.
“Iyang gepakaulawan ang akong pagkatawo sa walay egong rason nga naka pahikurat kanako ug sa akong pamilya, iya kong ge pakaulawan ug apil ang organisasyon sa (PNP) nga diin ako gikan, This is a gross violation of Cyber Crime Law,” pahayag usab niini.
Ang maong insidente ang nakatala na sa buhatan sa kapulisan alang sa tukmang aksiyon.