GI-ANGKON ni Konsehal Zaldy Ocon ang sayop human nga nakapamalikas atol sa komentaryo niini kalabot na sa kahimtang sa dagan sa trapiko sa dakbayan sa Cagayan de Oro niadtong sesyon sa Country Village hotel, Carmen, dakbayan sa Cagayan de Oro.
Nasayran nga nagpadangat og report si konsehal Roger Abaday kalabot na sa sitwasiyon sa trapiko sa siyudad ug nihatag og komentaryo si Ocon.
Gibutyag ni Ocon nga kini tungod sa kakulang sa disiplina ug sa mga patigayon nga walay mga parkingan hinungdan nga lisod alang sa mga dunay sakyanan ilabi na dayon kining kuhaan og hulagway og i-post dayon sa social media nga nasinatian na niini hinungdan nga nakapamalikas.
“Magtagbaw kag libotlibot maka-parking kag kilid litratohan ka i-post ka sa internet ning mga bu****it ug nahitabo na sa akong kinabuhi,” matud ni Ocon.
Dali usab kining gi-korek sa majority floor leader ilabi ni konsehal Ian Mark Nacaya human nilitok og unparliamentary language aron dili na kini mausab ug dili usab kini himuon sa ubang mga konsehal.
“As I have already put into motion Mr. chairman, the word “Bullsh*t”,” matud ni Nacaya.
Samtang gi-angkon usab ni Ocon ang sayop human nga gikoreksiyonan.
“I stand to be corrected, thank you,” dugang ni Ocon.