SUPERBALITA DAVAO

Delos Reyes: Impeachment kang Digong di molampus

Yanong Pagsabot



LUYO sa wala og tuo nga pagbatikos sa mga kritiko sa administrasyon, nagpabilin nga taas ang pagsalig sa katawhang Pinoy sa pagdumala ni President Rodrigo Duterte sa atong nasud.

Sa migawas nga resulta sa survey sa SWS nga gihimo niadtong Hunyo 22-26 sa milabay nga bulan, 80 porsiento sa katawhan ang kontento sa pagpadagan ni President Digong sa gobyerno apil ang mga adunahan sa atong nasud timailhan nga lig-on ug layo sa pagkagun-ob.

Kon ang mga adunahan mawad-an na og pagsalig sa naa sa gahom, posible nga sila sab ang magugol sa ilang kwarta sa mga lakang arong papahawaon ang presidente sa iyang lingkuranan pinaagi sa pagpahigayon og mga rally ug mga kalihukan kontra sa gobyerno.

Daghan ang maayong buhat nga nakita sa katawhan rason nga ilang ginasuportahan ang gobyerno ug natimbang-timbang na sab ang mga isyu nga ginalabay sa mga buot molumpag sa kagamhanan tungod dula sa politika.

Ang isyu sa Recto Bank diin ang mga mananagat gigamit sa mga kaatbang apil si Senator Leila Delima nga kuno usa ka impeachable nga kalapasan ni President Digong sa Constitution kay gitugotan nga mangisda ang mga Intsek sulod sa Exclusive Economic Zone sa nasud wa makaapekto sa rating sa Pangulo.

Ang pundok sa Anakbayan nga giila nga organisasyon sa mga walhon naglaraw sab nga mopasaka og impeachment aron palagputon si President Digong apan halos sa tanang panahon kanunay naman nga makita sa kadalanan nga mag rally ang ilang sakop kontra sa gobyerno kay lahi nga sistema ang ilang gusto sa pamunoan.

Ang Amnesty International buot sab nga paimbistigahan ang gobyerno tungod sa daghang nangamatay ubos sa war on drugs ni Digong. Ilang ginabatikus ang gobyerno tungod kuno sa extrajudicial killing diin ginapakasama nalang sa hayop ang pagpamatay sa mga nahilakip sa drug watch sa kapolisan.

Dunay mga kabanay sa mga biktima nabiktima nga gisakitan apan dawat na kini sa uban tungod sayud sila sa epekto sa druga sa atong katilingban.

Samtang magapabilin ang pagsalig sa kadaghan sa pamunoan dili magmalampuson ang mga laraw sa pagpalagpot sa presidente ug walay ilhanan nga matigayon kini sa administrasyon ni Digong.

Bisan pa atong idugang ang mga miyembro sa investment schemes nga nag-ingon nga dili na sila mosuporta bisan sa ituboy nga mga kandidato sa presidente tungod gipasirad-an, gipaundang ug ginagukod ang ilang mga founder dili pa kini pwersa nga makapalagpot sa pangulo tungod nagpaluyo pa kaniya ang bagang-duot sa katawhan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph