SUPERBALITA DAVAO

Konsehal gilabayan og hugaw sa tawo

COTABATO CITY -- Gituohan nga dunay personal nga kasuko ang wala mailhing lalaki kinsa nanglabay og tae sa usa ka konsehal sa dakbayan niadtong Martes sa buntag, Hulyo 9.

Nasayran nga nagkagubot sa City Council sa Cotabato sa diha nga gilabay og tae sa tawo ang konsehal nga padulong unta motambong og sesyon alas 8:45 sa buntag sa maong adlaw.

Gibutyag ni Cotabato City Vice Mayor Graham Dumama nga samtang pasulod na sa session hall si City Councilor Florante “Popoy” Formento, kalit siyang gilabay og tae sa wala mailhing lalaki.

Abtik nga gigukod ni Formento ang suspek apan dali ra kining nakaikyas pagawas sa gambalay.

Way nahimo ang konsehal, gawas sa pag-uli sa ilang balay aron nga maligo ug mag-ilis, unya nibalik ra sab sa session hall.

Kahinumdoman nga niadtong niaging sesyon, gilabay sab og tae ang sakyanan ni Formento.

Daghan ang nagtuo nga posibleng dunay personal nga kasuko kang Formento ang suspek.

Gitahasan na ni Vice Mayor Dumama ang mga security guard sa city council nga palig-unon pa ang ilang pagbantay aron nga di na masubli ang insidente.

Kapulisan sa Cotabato City Police Office padayon sa ilang imbestigasyon ug pag-ukoy sa suspek aron nga mailhan ug mapasakaan og tukmang kaso.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph