MAGSAYSAY, Davao del Sur -- Temporaryong gisuspende sa Department of Education (DepEd) ang klase sa tanang grado human nahugmak sa linog ang kisame sa usa ka lawak ug miliki sab ang sementadong bongbong sa bag-ong nahuman nga 4-story building sa publiko ug sekondaryang tunghaan sa Barangay Bacungan, Martes sa gabii, Huly 9.
Gibutyag ni Ginang Loida Cabillo, 37, Grade 8 adviser sa Salud Cagas National High School, nga wa pa ma-turnover ang 4-story building nga bag-ong natukod alang sa ilang laboratory ug gamiton sa ubang tinun-an.
Sumala ni Cabillo nga adunay 40 ka tinun-an sa Grade 9 ang naga-klase sa maong lawak apan maayo na lang kay gabii nahitabo ang linog.
“Nahurot gyud kahugmak ang kisame sa sulod unya naliki ang semento sa wall,” asoy niini.
Natala ang linog sa magnitude 5.6, diin ang epicenter mga 14-kilometros sa habagatang kasadpan sa Makilala, North Cotabato, alas 8:37 sa gabii, sigon sa Philippine Institute of Volcanology and Seismology (Phivolcs).
Matod sa ahensiya nga nasinati sab ang Intensity 5 sa Makilala, North Cotabato; Kidapawan City; Koronadal City ug Santa Cruz, Davao Del Sur, samtang Intensity 4 sa Davao City, mga lungsod sa Polomolok, Tupi, Tampakan, Santo Nino, Tacurong City ug Quirino sa Sultan Kudarat, Glan ug Malungon sa Sarangani.
Nasinati sab ang Intensity 3 sa General Santos City ug Kiamba, Sarangani, Intensity 2 sa Cotabato City ug Nabunturan, Compostela Valley.
Aduna’y natala nga mga Instrumental Intensity 5 sa Kidapawan City.
Sa pikas bahin, nangahulog ang mga baligya sulod sa usa ka supermarket sa ilado’ng mall sa Digos City, Davao del Sur human nga gitay-og usab ang maong syudad Martes sa gabii.
Samtang, banda alas 8:36 sa buntag, Miyerkules, Hulyo 10, subling mihapak ang magnitude 5.6 nga linog, mga 15-kilometros ug aduna’y 10-kilometros nga gilawmon gikan sa habagatang kasadpan sa Makilala, North Cotabato.
Nasinati sab ang Intensity V sa Makilala, North Cotabato; Kidapawan City; Koronadal City; Santa Cruz, Davao Del Sur.
Intensity IV sa Magpet, Matalam, Kabacan ug Tulunan, North Cotabato; Davao City; Polomolok, Tupi, Tampakan, ug Sto. Nino, South Cotabato; Tacurong City; President Quirino, Sultan Kudarat; Glan ug Malungon, Sarangani.
Natala ang Intensity III sa General Santos City; Kiamba, Sarangani; Kalilangan ug Damolog, Bukidnon; Carmen, North Cotabato; Bagumbayan, Sultan Kudarat.
Intensity II sa Cotabato City; Nabunturan, Compostela Valley; Valencia City; Maramag, Lantapan, Cabanglasan, Kadingilan, ug Kibawe, Bukidnon; Pikit, North Cotabato.
Ginasuta na sa Provincial Disaster Risk Reduction and Management Council (PDRRMC) ang ubang damyos sa linog nga tectonic ang origin.
Miabiso sab ang PhiVocs nga magmatngon sa padayong aftershocks nga nasinati matag karon ug unya. (OBD)
MAGSAYSAY, Davao del Sur -- Temporaryong gisuspende sa Department of Education (DepEd) ang klase sa tanang grado human nahugmak sa linog ang kisame sa usa ka lawak ug miliki sab ang sementadong bongbong sa bag-ong nahuman nga 4-story building sa publiko ug sekondaryang tunghaan sa Barangay Bacungan, Martes sa gabii, Huly 9.
Gibutyag ni Ginang Loida Cabillo, 37, Grade 8 adviser sa Salud Cagas National High School, nga wa pa ma-turnover ang 4-story building nga bag-ong natukod alang sa ilang laboratory ug gamiton sa ubang tinun-an.
Sumala ni Cabillo nga adunay 40 ka tinun-an sa Grade 9 ang naga-klase sa maong lawak apan maayo na lang kay gabii nahitabo ang linog.
“Nahurot gyud kahugmak ang kisame sa sulod unya naliki ang semento sa wall,” asoy niini.
Natala ang linog sa magnitude 5.6, diin ang epicenter mga 14-kilometros sa habagatang kasadpan sa Makilala, North Cotabato, alas 8:37 sa gabii, sigon sa Philippine Institute of Volcanology and Seismology (Phivolcs).
Matod sa ahensiya nga nasinati sab ang Intensity 5 sa Makilala, North Cotabato; Kidapawan City; Koronadal City ug Santa Cruz, Davao Del Sur, samtang Intensity 4 sa Davao City, mga lungsod sa Polomolok, Tupi, Tampakan, Santo Nino, Tacurong City ug Quirino sa Sultan Kudarat, Glan ug Malungon sa Sarangani.
Nasinati sab ang Intensity 3 sa General Santos City ug Kiamba, Sarangani, Intensity 2 sa Cotabato City ug Nabunturan, Compostela Valley.
Aduna’y natala nga mga Instrumental Intensity 5 sa Kidapawan City.
Sa pikas bahin, nangahulog ang mga baligya sulod sa usa ka supermarket sa ilado’ng mall sa Digos City, Davao del Sur human nga gitay-og usab ang maong syudad Martes sa gabii.
Samtang, banda alas 8:36 sa buntag, Miyerkules, Hulyo 10, subling mihapak ang magnitude 5.6 nga linog, mga 15-kilometros ug aduna’y 10-kilometros nga gilawmon gikan sa habagatang kasadpan sa Makilala, North Cotabato.
Nasinati sab ang Intensity V sa Makilala, North Cotabato; Kidapawan City; Koronadal City; Santa Cruz, Davao Del Sur.
Intensity IV sa Magpet, Matalam, Kabacan ug Tulunan, North Cotabato; Davao City; Polomolok, Tupi, Tampakan, ug Sto. Nino, South Cotabato; Tacurong City; President Quirino, Sultan Kudarat; Glan ug Malungon, Sarangani.
Natala ang Intensity III sa General Santos City; Kiamba, Sarangani; Kalilangan ug Damolog, Bukidnon; Carmen, North Cotabato; Bagumbayan, Sultan Kudarat.
Intensity II sa Cotabato City; Nabunturan, Compostela Valley; Valencia City; Maramag, Lantapan, Cabanglasan, Kadingilan, ug Kibawe, Bukidnon; Pikit, North Cotabato.
Ginasuta na sa Provincial Disaster Risk Reduction and Management Council (PDRRMC) ang ubang damyos sa linog nga tectonic ang origin.
Miabiso sab ang PhiVocs nga magmatngon sa padayong aftershocks nga nasinati matag karon ug unya. (OBD)