DEPARTURE Road atubangan sa Terminal 1, Mactan-Cebu International Airport sirhan karong Biyernes ug Sabado, Hulyo 12 ug 13, gikan sa alas 10 sa gabii ngadto sa alas 2 sa kaadlawon.
Ang GMR Megawide Cebu Airport Corp. nipahibawo sa maong traffic advisory gumikan sa itaod nga temporary covered walkways nga manukad sa T1 departure drop-off ngadto na sa dalan atbang sa Waterfront Airport Hotel.
Ang maong covered walkways nga adunay 17 metros ang distansiya nga magsilbing pandong sa uwan ug init niadtong mga pasahero, publiko ug mga kawani nga mosubay sa maong kalsada.
Si Avigael Ratcliffe, corporate affairs GMR Megawide nipahibawo nga temporaryo lang ang maong estruktura samtang nagpadayon pa ang renovation works sa T1.
Gi-awhag ang mga motorista nga mosubay sa traffic signages nga ipakatap sa area.
Kadtong mga pasahero sa domestic departure sa Cebu Pacific ug Air Asia nga mopaingon sa North Wing departure entrance, mo-left turn sa DHL Building lahos sa north wing departure road.
Sa domestic departure passengers sa Philippine Airlines ug Royal Air paingon sa South Wing departure entrance, mosubay sa naandan nga rota sa T1 departure road, U-turn aron makalahos sa drop-off point dayon exit subay sa car park bypass road.
Sa bus/coaster sa departure drop off ug domestic arrival pick up gikinahanglang mo-left turn sa DHL Bldg.paingon sa T1 Transportation Hub.
Sa kadtong transfer bus ug MyBus gikan sa Terminal 2 (International) mo-right turn sa DHL Building, lahos sa T1 Transportation Hub.
Ang mga bus kasamtangang way access sa T1 South wing ug North wing departures. (PR)