GIPAABOT ni Misamis Oriental Governor Bambi Emano nga wala siyay supak sa pamunoan ni Gingoog City Mayor Erick Cañosa.
Sayod ang tanan nga sa niaging eleksyon, dili si Cañosa ang iyang gisuportahan isip mayor sa Gingoog, apan ang kaatbang niini nga mao sila ni Mayor Marie Guingona, kinsa naparot niadtong piliay sa Mayo ning tuig.
Dugang ni Emano nga iyang kaalyansa ang bise mayor ni Cañosa nga si kanhi congressman Peter Unabia nga giingon niining sa sunod nga election iyang suportahan sa dakong posisyon nga daganan sa lalawigan.
"I have nothing against mayor Erick because his vice-mayor is actually the one who will be hopefully running next higher position in the province," matud ni Emano sa SunStar Superbalita Cagayan de Oro.
Apan kung moingon nga iyang biyaan ang pamilyang Guingona, dili gyod kini mahitabo labina sa lig-on nilang panaghigalaay.
"But if you are trying to tell me that I should leave Mayor Marie Guingona labina friendship no? That's not my style and that's not who I am. We will be forever friends with the Guingona. We've been through a lot since my father and her mother pa, nagsugod sa kagubot, among gitul-id. Dili ingon ana maguba. The friendship will remain," pasabot ni Emano.
Unang gisulti ni Cañosa niining mantalaan nga wala pa sila nagkahinabi ni Emano apan kumpiyansa kining magtinabangay sila sa kalamboan sa Gingoognon ug lalawigan.
"Well, wala pa mi nagkita sa atong halangdon gobernador ug wala pa sad mi nagkastorya but for sure, the program of Provincial Government and the City Government of Gingoog will work together for the development in our city and of course with the province, especially when it comes to delivery of healthcare services," matud ni Cañosa.