ORMOC CITY, Leyte -- Baynte ka mga taxi ang mobiyahe na usab sulod ug gawas sa Dakbayan sa Ormoc sugod Huwebes, Hulyo 11, 2019.
Gi-operate kini sa usa ka pribadong kompanya nga nakig-alayon sa Lokal nga Kagamhanan sa Ormoc ug Land Transportation Franchising and Regulatory Board.
Base sa inisyal nga impormasyon, sama sa Cebu City ang flag down rate sa mga taxi.
Sayo ning buwana, gisugdan usab ang pagbiyahe sa mga solar jeep ug bus sa dakbayan.
Ang mga solar jeep mobiyahe sulod sa Ormoc ug ang bus mobiyahe gikan Ormoc paingon sa southern part sa Leyte.
Ang modernization of transportation usa sa mga priority projects ni Ormoc City Mayor Richard Gomez diin gisubay kini sa programa ni Presidente Rodrigo Duterte. (Superbalita Cebu)