TUNGOD sa iyang impresibo ug sunodsunod nga mga kadaugan, nakuha ni world boxing champion Canelo Alvarez ang usa sa pinakataas nga pasidungog sa natad sa boxing sa tibuok kalibutan sa dihang siya ang napili nga Best Boxer of the Year sa ESPY.
“I want to thank the ESPY Awards for having nominated me as best boxer of the year,” matod ni Alvarez.
“And more than anything I want to thank the fans for allowing me to win. I am very thankful. Thank you, and we will be working toward even more. God willing, we will be working towards more, and we will keep making the best fights, and I will keep being the best boxer. Thank you to everyone. Thank you to my fans. Thank you to all the people at the ESPYs,” dugang sa 28-anyos nga boxing star kinsa lumad nga taga Guadalajara, Jalisco, Mexico.
Gawas sa iyang paglangkat og mga world titles sa super welterweight, middleweight ug super middleweight divisions, si Canelo mao usab ang adunay pinakadako nga kontrata sa mga atleta sa kasaysayan sa dihang mipirma kini sa DAZN, usa sa global leader sa sports streaming.
Sa Septiyembre, iyang gibuntog si Gennady Golovkin (majority decision) aron angkonon ang WBC, IBF ug WBA middleweight titles.
Mipasaka siya sa timbang niadtong Disyembre ug iyang gi-knockout si Rocky Fielding sa ikatulo nga round aron paglangkat sa regular WBA supermiddleweight crown nga maoy iyang ikatulong division title.
Lakip sa iyang gipangpipidi sila si Danny Jacobs (unanimous decision) aron depensaan ang korona.
Gipatugbabawan ni Alvarez sa maong pasidungog sila si Vasiliy Lomachenko, Terence Crawford ug Oleksandr Usyk.
Karong tuiga, gikatakdang aduna pay usa ka away si Alvarez nga ipahigayon.
Posibling iyang ikakontra si WBO light heavyweight champion Sergey Kovalev o kaha si Golovkin alang sa ilang ikatulong kombati. (JBM)