SUPERBALITA CEBU

Mga ‘rapist’ tokhangon

RAPE: Gawas sa gubat batok sa illegal drugs, patutokan usab ni Police Col. Gemma Vinluan ang mga kaso sa rape. (Arnold Y. Bustamante)

MGA lalakeng giakusahang nang-rape o nangabuso sa mga babaye, apan gawasnon pa, angay magbantay.

Gawas sa illegal nga drugas nga patutukan sa bag-ong direktor sa Cebu City Police Office (CCPO), Police Colonel Gemma Vinluan, ilakip usab niya ang mga kaso sa rape.

Ang maong krimen ikaduha nga labing taas sa nasud.

Tungod niini, iyang mando sa iyang mga sakop nga ilakip sa tokhang ang mga lalake nga nalambigit sa pagpang lugos ilabi na kadtong mga amahan nga gipasanginlan nga nangabuso sa ilang mga anak.

“Galing ako sa women and children protection center. Pangalawa ang rape case sa buong Pilipinas ng gender base violence. Hhindi masyadong napapansin yun. This time, gusto kong kahit dito man lang sa Cebu, malinis natin itong mga rapist na nandito sa Cebu,” dugang ni Vinluan.

Wa na hinuon siya mohatag pa og dugang mga detalye kalabot niini.

SWAT

Si Vinluan nagplano sa pagtukod og Special Weapons and Tactics (Swat) nga langkuban sa puro pulis nga mga babaye.

Sa kasaysayan sa CCPO, si Vinluan ang ikaduhang babayeng police official nga nangulo sa kapulisan sa siyudad sa Sugbo.

Nagdugay siya sa Women and Children Protection Center sa kaulohan, diin nakatutuk siya sa problema sa kababayen-an ug kabataan nga biktima sa pangabuso.

Tungod niin, usa sa mga plano ni Vinluan mao ang pag-umol og Swat nga ang mga miyembro pulos mga babaye.

Iyang ipakita nga mahimo sa mga babaye ang nahimo sa mga lalakeng pulis.

Wa kini magpasabot nga mokompetensya sila sa mga lalake, kon di sila mga kaabag.

“Gusto kong bumuo ng isang Swat female group at lahat ng matitikas na babae ay gusto kong maging membro nito. At sasamahan ko kayo sa lahat operation. Ako ang magli-lead. Ang gusto ko galingan ninyo kailangan mas magaling kayo kaysa sa lalake,” matod ni Vinluan.

Gidayeg usab kini ni Police Regional Director Brigadier General Debold Sinas.

Iya kining gi suportahan.

Iya pa kining pun-an sama sa pagbutang sa mga babaying police sa Tourist Police Unit.

Gipasabot sa heneral nga kinahanglan nga ang naa sa unit usa ka babaye nga maoy moatiman sa mga turista nga mobisita sa usa ka lugar, sama sa siyudad sa Sugbo.

Samtang ang mga lalake nga nadestino sa maong unit ibalhin sa mas lisud nga assignment.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph