ANG kanhi Mutya ng Davao 2010 ug kolumnista sa SunStar Davao nga si Janelle Lazo Tee maoy gikoronahang Miss Philippines Earth 2019 sa finals nga gihimo, Hulyo 10 sa Cove Manila sa Okada Manila sa Parañaque City.
Kung kahinumdum pa mo, miariba ang karera ni Tee dinhi sa dakbayan sa Davao tuig 2010 human siya gikoronahang Mutya ng Davao 2010.
Luyo niini, nahimo sab siyang parte sa TeeNCCClub.
Si Tee nga nagrepresenta sa Pasig City asa na siya naka-istar karon, mipildi sa laing 39 ka kandidata gikan sa nagkadaiyang suok sa Pilipinas.
Gihulipan ni Tee sa trono si Celeste Cortesi nga wa katambong sa koronasyon tungod nasakit.
Ang dalaga gipangutana kung unsa ang iyang opinyon sa paghatag og insentibo labot good environmental practices o pagsilot sa mga malapason ang mas maaong istratehiya aron mahimong labaw nga environmentally conscious ang publiko.
Si Tee mitubag: “I would choose to give incentives because as a productive country we know that we have a lot of communities that truly [need] help in terms of livelihood projects and that’s what I’ve been doing with ABS-CBN Foundation, and that’s why I want to choose incentives because we have to teach them how to fish rather tha just give them a fish for a day because if you teach them how to fish then it would be there for a living and it would be there sustainably in them.”
Sa pikas bahin, ang ubang winners mao sila Ana Tan sa Tagoloan, Misamis Oriental isip Miss Philippines Air; Miss Philippines Water Chelsea Fernandez sa Tacloban City; Miss Philippines Fire Alexandra Dayrit sa Marikina City ug Miss Philippines Eco-Tourism Karen Piccio of Maasin, Iloilo.
Una pa man niya naangkon ang korona, miapil na kaniadto sa Miss Philippines Earth 2014 ang dalaga, diin siya ang representante sa Davao City, nabutang siya sa Top 15.
Nahimo sab siyang Top 13 semifinalist sa Miss World Philippines 2015.
Si Tee nga nahimugso sa Davao, nahimo sab nga host sa ANC sa ABS-CBN sa programa nilang “Chinoy TV” ug sa “Wowowin” sa GMA-7.