SUPERBALITA DAVAO

9 patay sa dengue sa Maguindanao

COTABATO CITY -- Siyam na ka tawo ang giingong namatay tungod sa dengue sa probinsiya sa Maguindanao.

Matud ni Maguindanao Integrated Provincial Health Office (IPHO) chief Dr. Tahir Sulaik nga mitaas sa 60 porsiyento ang kaso sa dengue sa probinsiya sa unang duha ka kuwarter sa 2019.

Nakatala og 669 kaso gikan sa bulan sa Enero hangtud Hunyo karong tuiga.

Mas taas kini kung itandi sa parehas nga bulan niadtong 2018 nga dunay 393.

Pinakataas nga nakatala sa sakit nga dengue mao ang lungsod sa Datu Odin Sinsuat nga dunay 128, gisundan sa Sultan Mastura 77, Upi 73, Parang 67, ug Buluan 34. Samtang tanang lungsod sa probinsiya dunay nagkasakit og dengue.

Gikan sa Enero hangtud Hunyo karong tuiga niabot na og siyam ka tawo ang namatay.

Tulo nagagikan sa Sultan Mastura, 2 sa Parang, ug tag-usa gikan sa Barira, Datu Odin Sinsuat, Datu Paglas ug South Upi nga kasagaran mga estudyante.

Nagpadayon karon ang pagpaningkamot sa IPHO Maguindanao sa pagpanguna ni Sulaik aron kapugngan ang pagtaas pa sa mga nagkasakit sa dengue.

Nawawagan si Suliek sa katawhan sa probinsiya nga ipatuman ang 4 o’clock habit palibot sa mga balay ug mga eskuwelahan ilabi na karon nga ting-ulan na. (Edgar E. Fuerzas)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph