SUPERBALITA CAGAYAN DE ORO

Pompee gibati ang pagka-amahan ni Moreno

GIPAABOT ni kanhi Department of Agriculture undersecretary ug kaatbang ni Mayor Oscar Moreno sa niaging piliay nga si Pompee La Viña nga iyang gibati ang pagka-amahan ni Moreno human nga nadakpan ang anak niini nga giingong nalambigit sa ginadili nga druga didto sa Angeles City.

"Let's deal first Oscar Moreno in particular. Sa tinoud lang para sa ako, I feel for him. I'm a father. I have also a son. That's personal and really a family tragedy that out of politics. Kita tanan dunay anak, I feel for him. I sympathize for him," kini ang pahayag ni Pompee, kinsa bag-o lang mideklarar nga andam siyang magpapili og balik sa pagka-mayor ning siyudad sa Cagayan de Oro.

Apan gipasabot niini nga sa kinatibuk-an, siya mismo suk-anon sa mga tao nga nalambigit sa ginadili nga druga sama sa gipaningkamot ni Presidente Rodrigo Duterte nga mawagtang kini.

Kung mapamatud-an nga nalambigit gyod niini ug adunay mga igong ebidensya, giingon niining angayan lang sab nga mataral sa hukmanan.

Sa bag-ong kalamboan, si Si Sean, kauban ang pito ka mga kauban, ang nadakpan niadtong Hunyo 27 sa Angeles City ug gitakdang ibalhin sa detention facility ug gipaabot lamang ang commitment order human napasaka na ang kasong kasupakan sa Section 5 sa Republic Act 9165, o Comprehensive Dangerous Drugs Act of 2002.

Atol sa ilang pagkaaresto, nakuhaan sila og 310 ka mga tabletas sa ecstasy, lima ka kapsula sa Dimethyl Tripticase, usa ka plastic bottle nga adunay sulod 100 ka tabletas sa Valium, tulo ka plastic sachet sa giduhang kush, usa ka plastic sachet nga gitouhang cocaine nga dunay gibug-aton nga 0.75 gramo.

Una na nga nagpagawas sa iyang opisyal nga pamahayag si Moreno, kinsa nasubo sa gidangatan sa iyang anak ug mipaabot nga pabilin kining suportahan.

"As a father, my first reaction was to ensure his safety while in detention, and to provide legal support. Even if he has gone astray, Sean is still my son, whom I took very special care since his birth. I deeply regret the situation that Sean is in now. I will endlessly continue to struggle thinking about what led him to this. This is a very difficult time that Sean and the family are going through," tipik kini sa pahayag ni Moreno.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph