GAWAS sa desk officer, duna nay maglingkod usab sa police assistance desk sa atubangan mismo sa mga police station sa siyudad sa Cagayan de Oro sugod karon nga semana.
Makita gawas sa tanang estasiyonan sa kapulisan duna nay mga police assistance desk aron nga maoy mo-abi abi sa mga kliyente o katawhan nga modangop sa ilang buhatan.
Gibutyag ni Police Lieutenant Colonel Mardy Hortillosa, tigpamaba sa Cagayan de Oro Police Office (Cocpo), nga kini lakip sa direktiba sa bag-ong city director nga si Police Colonel Henry Dampal.
"Kay sya mismo naka observe nga walay mag entertain kung naa mga clients," matud ni Hortillosa.
Gidugang pa nga kanunay nga dunay personahe nga maglingkod sa gawas sa estasiyonan gawas na lang kung dunay kakulangon.
"Gawas nalang kungkulang ang tao kay naay deployment," dugang niini.