SUPERBALITA CAGAYAN DE ORO

Abugado gisuspenso'g 15 ka tuig

SUSPENDIDO ang usa ka part-time ug kanhi nagtudlo sa Ateneo de Cagayan-Xavier University human gidesisyonan sa Supreme Court gumikan sa pagpangabuso sa mga estudyante niadtong Mayo 14, 2002.

Sa 11 ka pahina nga resolusyon, gisuspenso sulod sa lima ka tuig isip abogado ug 10 ka tuig sa pagtudlo sa bisan asa nga tunghaan si Atty. Cresencio Co Untian Jr.

Sa maong resolusiyon, gireklamo si Co Untian gumikan sa sexual harassment sa iyang mga estudyante sa law kaniadto diin usa niini niingon nga gipadalhan siya og bulak, tam-is nga mensahe ug uban pa ug gani giimbetahan pa kini nga moadto sa Camiguin apan nibalibad kini.

Samtang laing estudyante usab ang nibutyag nga gipakita kini og hubo nga hulagway sa usa ka babaye ug gipatoo nga siya kini nga gipanghimakak sa biktima. Giingong wala kini nakapartisipar sa ilang moot court competition tungod kay grabe na ang hilak niini.

Laing estudyante usab ang nireklamo human nga atol sa recitation, susamang nabastos kini human nibutyag nga "Sir, come again?" diin gitubag ni Co Untian og "What? You want me to come again? I have not come the first time and don't you know that it took me five minutes to come, and you want me to come again?"

Nasayran nga gipanghimakak usab ni Co Untian ang alegasyon ug nibutyag nga ang mga nagrekalmo mga estudyante niini nga nabagsak sa iyang klase sa tuig 2001-2002 school year.

Gidugang pa nga gani ang estudyante pa ang magpadala kaniya og regalo sa Valentine's Day.

Samtang kalabot na sa hubo nga hulagway, giingong iya lang kining gihimo isip joke kay suod kini sa maong estudyante, kinsa giingong iya ra usab nga pag-umangkon, samtang ang laing estudyante giingong nitubag kaniya nga walay respeto ug niingon nga "Come again?" rason nga giingong nagpakatawa sa maong klase diin niingon nga tarungon sa paggamit og mga pulong aron dili masaypan sa pagsabot.

Giingong niadtong Sityembre 2002, wala na gi-renew ang kontrata ni Co Untian sa maong unibersidad. Niadtong Abril 2016, girekomenda sa Integrated Bar of the Philippines-Board of Governors (IBP-BOG) nga ma-disbar kini apan nagduso og motion for reconsideration nga gigarantiya usab.

Samtang ang maong unibersidad nagpagawas og opisyal nga pahayag diin nibutyag nga na-uyonan sa XU committee on decorum rason usab nga wala na kini gi-renew niadto pang tuig 2002.

Nibutyag usab kini nga wala gitugot sa maong tunghaan ang mga susama niini nga binuhatan tungod kay tumong lamang sa maong tunghaan nga mamahimong luwas diha sa ilang pagtungha ug walay lugar ang bisan unsa nga pamaagi sa sexual harassment sa maong institusiyon.

"We remain committed to strengthening our formation programs and protocols to ensure that all members of the Xavier Ateneo family, especially our students, fully enjoy a conducive learning environment, free from fear, intimidation, and harassment," mensahe sa Xavier University.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph