USA ka menor de edad ang nasikop sa mga sakop sa Mambaling Police Station atol sa gihimong buy-bust operation sa Sitio Chicago, Barangay Duljo Fatima, Dakbayan sa Sugbo alas 2 sa kaadlawon, Biyernes, Hulyo 12, 2019.
Ang suspek napalitan og usa ka pakete sa gituohang shabu gamit ang boodle money nga mobalor sa P10,000.
Apan sa dihang girekisa, nakuha pa ang laing 18 ka pakete ug laing usa ka bulto nga motimbang ang tanan sa 120 grams nga mobalor sa P816,000.
Gipaubos na karon sa imbestigasyon sa Mambaling Police Station ang menor de edad kon kinsa ang iyang supplier pinaagi ni Police Captain Francis Talosig. (Superbalita Cebu)