SUPERBALITA CEBU

Nagpailang empleyado sa Veco sikop

CEBU. Nasikop sa kapulisan si Raymond Samson, kinsa nagpaila nga empleyado sa Veco apan miangkon na usa siya ka mangingilad. (Hulagway kuha ni Arnold Y. Bustamante)

NADAKPAN ang usa ka 28-anyos nga lalaki nga nagpatuo nga taga Visayan Electric Company (Veco) human gireklamo sa mga residente sa Barangay Guadalupe, Dakbayan sa Sugbo nga nangilad kanila.

Ang nasikop giila nga si Raymond Samson, lumad nga taga Jugan, Consolacion apan karon matud niya bisan asa nalang matulog sa mga pension house.

Ang modus sa suspek mao ang pagduol sa kabalayan ug magpaila nga taga Veco nga nakauniporme pa sa maong kompanya aron ipahibawo nga ang metrohan ipabalhin kini bugti sa bayad.

Si Gloria Arriola, 68, taga Sitio Tugasan, Barangay Guadalupe, naka bayad og P4,000 sa P5,000 nga gipangayo aron kuno mabalhin ang iyang metrosan sa Veco.

Mobayad na unta si Arriola sa kuwang apan nakabantay na siya nga mangingilad kini. Didto na sila nanawag sa opisina sa Veco aron ipangutana kon aduna ba sila'y Samson nga kawani.

Sa dihang gisultian kini sa Veco nga mangingilad si Samson ug daghan na kining nabiktima, nagpatabang na sila sa pulis aron madakpan ang suspek.

Alas 8 sa buntag, Biyernes, Hulyo 8, 2019 nagsabot sila nga magkita sa may Sitio Guadalajara, ug didto na gidakop si Samson sa kapulisan.

Giangkon sa suspek nga usa siya ka mangingilad ug dili tinuod nga empleyado sa Veco.

Nangayo siya og pasaylo sa iyang nabiktima lakip na sa Veco ug dawaton niya ang tanan nga kaso nga ipasaka kaniya.

Ang uniporme nga nakuha iyang gituyo pagpahimo aron motuo ang mga tawo nga empleyado siya sa Veco.

Nagsugod siya sa iyang pagpangilad niadtong buwan sa Agusto 2018 apan aduna na usab siya'y napabalhin nga metrohan sa dihang iyang giduso sa opisina sa Veco. (Superbalita Cebu)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph