DASOK sa pagsalig si Filipino boxing icon Manny Pacquiao nga magmadaugon siya sa iyang away batok kang American Keith Thurman karong Hulyo 21 (RP time) MGM Grand Garden sa Las Vegas, USA.
Bisan nag-edad na siya og 40, nagkanayon si Pacquiao nga grabe ang iyang kondisyon ning puntoha ug tinguha niyang wagtangon ang mga pagduhaduha sa iyang kapabilidad.
Ang Pambansang Kamao ng Pilipinas, kinsa adunay 61-7-2, 39KOs nga rekord, mosuway pag-ilog sa World Boxing Association (WBA) welterweight “super” title gikan kang Thurman, kinsa adunay 29-0, 22 KOs nga baraha.
“There are a lot of people who are doubting my abilities at 40, so I feel I have something to prove, I still feel hungry, I still enjoy training, boxing, I’m still giving my best,” matod ni Pacquiao sa interbyu sa ESPN Deportes.
Gitataw ni Pacquiao nga mas madasigon siya ning awaya hilabi na kay naglagot ang iyang inahan nga si Mommy D sa mga pasiatab ni Thurman.
“This is going to be an interesting fight, I have not so focused for a fight like I am right now, his words even made my mother angry, that’s why I’m motivated and focused.”
Gipasabot ni Pacquiao nga wala ra makapaapekto sa iyang abilidad ang iyang edad ug sa iyang tan-aw, mas nimaayo pa kini.
“I feel more experienced, my style has not changed, but my timing, my intelligence, my foot movements, everything is better,” dugang sa bugtong 8-division world champion.
Gipasalig ni Pacquiao nga kon aduna siya’y makit-ang oportunidad nga pakamangon si Thurman, dili kini niya usikan. (ESL)