MAKAPAABOT og higpit nga pagpaniid ang mga plano ug lakang ni Mayor Edgar Labella. Magsagubang og bug-at nga tahas pagsulbad sa suliran sa basura, drainage, traffic ug squatters. Himoong 24 oras ang serbisyo nga gitanyag sa City Hospitalization and Medicine Program (CHAMP) nga 25,000 pesos hospitalization, 5,000 pesos tambal ug 5,000 pesos laboratory.
Mga accredited sa CHAMP naglakip sa CCMC, VSMMC, Chong Hua, Cebu Doctors, Saint Vincent ug Velez. Himoong duha ka tuig ang validity sa business permit. Bungkagon ang Barangay Mayor’s Office (BMO) tungod kay wala mahisubay sa balaod. Buksan og balik kadtong mga establisamento nga gipatak-opan nunot sa pagbayad sa tukmang penalty. Ipa-release ang tanang na-impound nga mga motor ug ubang sakyanan nga nadakpan sa counterflow sanglit nakasapaw sa nasodnong ordinansa.
Plano nga bayran ang nahibiling utang sa JICA sa kaugmaran sa SRP gikan sa 8.7B pesos pasiunang bayad sa SM, Ayala ug Filinvest sa 45.2 ektarya nga sulod sa pipila ka tuig ang kwarta natulog sa bangko.
Pakyas kadtong mga laraw ni Vice Mayor Mike Rama sa mayor pa human mapilde sa 2016 posibli nga iyang isugyot ni Labella alang sa katumanan. Atong sundan ug panid-an. Tahas ug hagit ang pagpadayon sa katukoran sa 10 ka socialized housing nga tulo sa Lorega, duha sa Citi Center ug lima sa resettlement sa Mambaling. Tulo ka half-way house sa Mambaling. City Hall Complex sa SRP diin ang kasamtangang city hall himoong museum ug tourist attraction dugang sa Plaza Independencia, Fort San Pedro, Compaña Maritima ug Malacañang sa Sugbo.
Mall sa Warwick Barracks, Ermita. Mall, park ug waste-to-energy facility sa gisirhan nga Inayawan landfill. Parking terminal sa Fuente, city hall ug north reclamation area. Magellan’s Park duol sa Senior Citizenz Park. Children’s Park sa Carreta. Lorega Memorial Park. Block 27 North Reclamation Park. Doña Pepang Memorial Park. Farm-to-market road network sa Agsungot, Adlaon ug Pamutan. Katukoran sa Sapangdaku ug Busay Elementary Schools nga bahaan ug dahilian sa yuta. Pag-ayo sa Condo sa Natalio Bacalso Avenue. Eco-tourism sa 20 ka mga langob sa Buhisan nga gikutaan sa mga Hapon sa ikaduhang gubat sa kalibotan. Bayad ngadto sa probinsya nga 500M pesos sa yuta ubos sa Ordinance 93-1 diin ang mga residente sa siyudad na magbayad. Hutdan og bayad ang nahibiling utang sa JICA nga niadtong higayona sa 2016 mikabat og 2.4B pesos.
Natuman panahon ni Rama ang Senior Citizen’s Park, Children’s Park nga gitaliwad-an sa Suba, Pasil ug Sawang Calero, Treatment Plant sa north reclamation ingon man pagsugod sa 10 ka andanang Cebu City Medical Center (CCMC). (csa_1156@yahoo.com / 09064648954)