Binghay: Di sayon pag-usab sa batasan

KADAGHAN nako nakabagat og kanunay ng nagpasensya ug pa-ubos kada higayon nga motukar ang sakit sa pangisip sa akong higala nga si Glenda (tinuod ngalan gitago).

Kung normal imong personalidad ug pangisip, dunay puruhan nga dali kang masuko o ba kaha mahi-ubos labi na kung di masabot ang kina-iya ining dunay problema sa pangisip kon mental illness.

Unsaon man pag-ila kung duna ini?

Kung magpaling-paling gani ang huna-huna o kalit nga mag-usab sa mga plano o mo atras last minute sa mga plano, indikasyon kini nga di normal iyang pagpanghuna-huna.

Sunod kining magsegi na lang og kaon (non-stop) o ba kaha wa say kaon-kaon unya namiyahok na ang mata og nagluya na ang lawas.

Laing indikasyon kining mokalit lang og ka-usab ang mood (mood swings). Karon maayo kaayo o loving unya inig ka taod-taod, tua na sipa na sab og pangaway o panghilabot sa uban.

Kasagaran ini nila nagkinahanglan og balik-balik nga pasalig nga sila gimahal ug wala magpabug-at sa uban.

Ang uban ini nila kanunay masulub-on, maghilak og magluya nga murag ilang paminaw gilukdo ang tibuok kalibutan.

Ang uban sab magpalayo og mag inusara unya di manggilabot ug mag apil-apil sa mga kalihukan.

Duna say uban nga mokalit lang og kasuko, ang uban gani mas grabi kay mag-wild bisag gamay ra kaayo ang deprensya, problema o pagkasilo, kay dak-on gilayon ang problema nga murag wa nay kahumanan ug kasulbaran.

Kung ikaw maka- bagat o maka hibalag og ingon ining kina-iyaha, sabta nga kini sila dunay problema sa pangisip nga nagkinahanglan og mas taas -taas nga pagsabot imbis imong balusan, talikdan o biyaan.

Ikaw na lang sab maoy mopa-undayunay og pataas sa imong pasensya ug pagsabot.

Busa, ayaw pagdali-dali og pang-husga kay wala ka kahibalo sa ilang mga gipangpas-an nga kuros ug mga problema. Ikaw na lamang ang padayong magpa-ubos samtang patas-on ang pagpasensya kay kini sila grabi sab og paninguha ug paningkamot nga masabtan ug ma-usab sa batasan.