SUPERBALITA CEBU

210 ang nasikop sa ‘no helmet, no driving’

DINAKPANAY: Kapin sa 200 ang mga na-isyuhan og citation tickets sa dakbayan sa Talisay gumikan sa kalapasan sa basic nga traffic rules alang sa mga motorcycle riders mao ang pagsul-ob og helmet. (Fe Marie Dumaboc)

SUD sa tulo ka adlaw sa higpit nga pagpatuman sa “No Helmet, No Driving” policy sa dakbayan sa Talisay miabot na sa 210 ang nangasikop.

Ang maong mga nadakpan gi-isyuhan og citation tickets sa dihang gilusad kini niadtong sukad niadtong Hulyo 9 ngadto na sa Hulyo 11.

Gitug-an ni Roger Villaver, operations head sa City of Talisay Traffic Operations and Development Authority (CT-TODA) nga aduna gihapoy mga motorista nagmagahi ug wala mosunod sa lagda sa trapiko, bisan ang simple nga pagsul-ob sa helmet.

Nasayran nga katunga sa maong gidaghanon sa mga nakalapas mga walay lisensya ug way rehistro ang mga motorsiklo, hinungdan nga nasakmit sa makadiyot ang uban sa ilang mga motorsiklo hangtud nga nakapakita na og rehistro.

Laing multa alang sa kalapasan sa walay lisensya ug rehistro.

Gitug-an ni Villaver nga kasagaran sa mga malapason dili molupyo sa Talisay, kundi igo ra niagi sa syudad.

“Pero naglibog sad ta aning taga laing lugar nga strikto man unta sa ubang LGU pud, but wala gyud gihapon nisunod. Mas maayo ni kay ma-disiplina na gyud,” saysay ni Villaver sa Superbalita Cebu.

Giklaro nila nga wala gyud silay pasayluon, gani bisan kauban nila nga traffic enforcer ang nasampolan, kinsa gibalhin sa laing departamento sa Talisay City hall.

Pahinumdom ni Villaver nga bisan sa adlawng Sabado ug Domingo mohimo gihapon sila sa pagpanakop. (FMD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph