Ambulansiya, paramedics, 24 oras mag-roving

MGA ambulansya sa dakbayan sa Sugbo ang mag-roving 24-oras sugod karong Lunes, Hulyo 15.

Kini aron nga mas mapadali ang pagresponde niini ngadto sa mga nagkinahanglan. Ug aron mas daghan pa nga kinabuhi ang matabangan ug mapatas-an pa.

Gitug-an kini ni Konsehal Dave Tumulak, chairman sa committee sa Disaster Risk Reduction Management, Safety and Climate Change Adaptation sa kagamhanan sa siyudad sa Sugbo.

Gipakigtagbuan kagahapon sa buntag, Hulyo 12, ni Tumulak ang mga kawani sa City Disaster Risk Reduction and Management Office ilabi na ang nagdumala mga ambulansya ug ang 104 ka mga medics.

Matud ni Tumulak nga tinguha niya nga mapabalik ang sistema kaniadto sa 2014, nga labing dugay nga pag-abot sa ambulansya sa lugar nga adunay pasyente, singko minutos lang, ug dili na moabot pa og 10 minutos alang sa dinaliang pag-atiman. (FMD)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph