SECTIONS
Sunday, July 21, 2019
SUPERBALITA CEBU

CPPO direktor mihangyo og dugang bilanggoan

NIHANGYO ang labing taas nga opisyal sa Cebu Police Provincial Office (CCPO) sa mga kongresista sa lalawigan sa Sugbo nga motabang sa pagpatukod og dagko nga mga prisohan sa ilang mga distrito.

Matod ni CPPO Director P/Col. Roderick Mariano dako ang suliran sa kahuot sa mga prisohan sa lalawigan ug nanginahanglan sila sa tabang sa mga kongresista nga makapangayo og pundo sa nasudnong kagamhanan.

Una siya nga nakig-estorya kang Rep. Vincent Franco “Duke” Frasco sa ikalimang distrito sa Sugbo niadtong Lunes, Hulyo 8, bahin sa suliran sa kahuot sa mga prisohan.

Ang Philippine National Police sa pakigtambayayong sa kagamhanan sa lungsod sa Liloan mopatukod og bag-ong police station.

Si P/Master Sgt. Jonas Catubig, desk officer sa Liloan Police Station, sa pakighinabi sa Superbalita niadtong Martes, Hulyo 9, nitug-an nga niabot na og 140 ka mga priso ang natanggong sa ilang police station.

Ang provincial director nibutyag nga motuyok siya sa lainlaing mga presinto aron makita ang aktwal nga kahimtang.

Si Mariano niingon nga moisyu unta og kamandoan ang mga huwes sa mga korte nga magbalhin sa mga binilanggo gikan sa kalungsuran ngadto sa Cebu Provincial Detention and Rehabilitation Center (CPDRC), apan sayod siya nga naghuot usab ang mga priso sa provincial jail.

Si Gobernador Gwen Garcia sa iyang bahin niangkon nga susama sila og giatubang nga problema ni Mariano tungod kay huot na kaayo sa CPDRC.

Matod niya, sa panahon ni kanhi kongresista Benhur Salimbangon sa ikaupat nga distrito, nakapangayo kini og pundo gikan sa nasudnong kagamhanan alang sa pagtukod og prisohan sa iyang distrito.

“And I hope that our representatives will also take a cue from there para makatabang. Kinahanglan man gyud nato ang tabang sa national government,” dugang sa gobernador sa pakighinabi sa Superbalita Cebu. (SCG)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph