SECTIONS
Saturday, August 24, 2019
SUPERBALITA DAVAO

2 Dabawenyos sa Asean Paragames



ANG taga-Davao City nga Philspada National Para Games 2019 gold medalists John Lo Respicio ug Evangeline Gamao pulos mikwalipika sa Asean Paragames 2020-bound national para chess team.

Si Philspada Davao president James Infiesto, Huwebes, Hulyo 11, midayeg sa duha ka Dabawenyos sa ilang kalampusan ug pagdalag dungog sa siyudad, atol sa Davao Sportswriters Association (DSA) Forum sa The Annex of SM City Davao.

Gidayeg sab niya ang 22-anyos nga si Gamao, nga nabuta dihang dos anyos siya tungod sa tipdas, di lamang sa pagdaug niya og duha ka bulawan ug usa ka bronse apan lakip na ang pagpildi niya sa national para chess player atol sa torneyo sa Bulacan.

Ang visually impaired champion, nga sa di madugay, mo-gradwar sa vocational course, nagsulti nga wala siya magdahum nga makasud sa national team.

“Wala ko mag-expect na makuha jud ko. Tong 2015 ra ko nagsugod dula og chess pero nag try ko sauna og athletics pero sa chess diri diay ko dunay opportunity nga makadula sa national og international para sa tibuok Pilipinas,” suma sa So Kim Cheng Sports Foundation, Inc. Awards outstanding Philspada female athlete awardee.

Samtang si Respicio nga midaug og SS6 badminton gold sa Philspada National Paragames 2019, nagpasalamat sa iyang coach Skye Bangoy Dionela nga nakadiskubre sa iyang potensiyal.

Si Respicio, “Lingaw-lingaw lang man sa sugod suddenly nadiscover ko na kabalo gamay mudula.”

Nagtrabaho siya sa Brokenshire Hospital Integrated Health Ministries, Inc.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph