GIPAILAWOM na sa state of calamity ang tibuok Isla sa Island Garden City of Samal (Igacos) gumikan sa pagkatap sa lamok nga miresulta sa balatian nga dengue.
Ang mando hiniusang naaprobahan atol sa 2nd regular session sa Sanguniang Panlungsod sa Samal, Davao del Norte, atol sa sesyon nga gihimo Hulyo 8 ning tuig.
Suma pa girekomenda ang pagpatuman sa state of calamity tungod sa dengue outbreak nahisubay sa CDRRMC Resolution No. 6. series of 2019.
Sa resolusyon, gibutyag nga gikan Enero ngadto Hunyo 2019, nakatala og 249 ka kaso sa dengue diin duha niini ang namatay.
Ang 169 ka kaso natala sa Babak District, 170 ka dengue cases sa Samal District, 90 sa Kaputian subay sa gihatag nga report sa Epidemiology & Surveillance Unit of the City Health Office sa dapit.
Makakurat sab ang pigura nga 730 porsiyento nga mas taas kini nga ihap, itandi sa samang period sa nakalabay nga tuig.
“Due to the increased number of incident of dengue fever, the LGU officials deemed it necessary to declare the said outbreak and ordered involved agencies to release funds and adopt quick response measures to counter the dengue cases outbreak,” sumala sa Facebook post sa Samal Island Information.
Sumala ni CHO health officer Dennis Carlos Flores, “It has been part of the natural cycle of dengue na nagabag-o ang dagan every three years. It can be recalled that the Department of Health (DOH) noted a huge increase in 2016.”
Makalilisang paminawon labi na kung mapailawom na sa state of calamity, butang nga mihimo gayod og remedyo ang lokal nga kagamhanan sa Isla.
Ning mga gutlo-a kinahanglang magtinabangay ang mga residente diha sa pagpatuman sa 4 o’clock habit sa ilang mga nataran.
Ang pagbungkag sa mga posibleng gipangitlogan sa mga lamok ang usa sa mga butang nga malikayan ang dengue.
Kahinlo sa palibot ug ang pagkamaalamon maoy solusyon niini.