DAVAO DEL NORTE -- Laing kadaugan ang naangkon sa mga awtoridad sa kagamhanan batok sa online sexual exploitation sa kabataan human ang usa ka 27-anyos nga online trafficker gihukman nga sad-an niadtong milabay adlaw sa iyang nahimong krimen.
Si Maggie (di tinuod nga ngalan), kinsa lumad nga taga Zamboanga City, gihukman nga mabilanggo og 23 ka tuig human napamatud-an nga sad-an sa kasong “attempted trafficking”, “child abuse”, ug “conspiracy to commit child pornography”.
Si Judge Dax Gonzaga Xenos sa Regional Trial Court 11 sa Panabo City, Davao del Norte nagmando sab sa online trafficker nga mobayad og kinatibuk-ang P600,000 nga multa ug P900,000 nga damyos.
Si Maggie nadakpan niadtong Mayo 6, 2019 human siya nasakpan nga naghanyag ngadto sa “sexually abuse” nga 15-anyos nga babaye ug stream live sa giabuso alang sa online predator bugti sa kuwarta.
Naluwas ang biktima atol sa entrapment operation samtang laing tulo nga menor nga mga babaye naluwas sa pagkasunod adlaw.
Gihimo ang entrapment operation sa Philippine National Police’s (PNP) Women and Children Protection Center - Mindanao Field Unit (WCPC-MFU) didto sa balay ni Maggie sa Sto. Tomas.
Nakig-koordinar ang WCPC-MFU sa Department of Justice - Inter-Agency Council Against Trafficking - Regional Anti-Trafficking in Person Task Force (DOJ-IACAT-RATTF) - Davao Region.
Lakip nga nakig-alayon sa operasyon mao ang PNP Regional Intelligence Division, Sto. Tomas Municipal Police Office, DSWD - Davao Region, ug International Justice Mission.
“Online sexual exploitation of children (OSEC) is one of the worst types of trafficking in persons because it destroys the moral fiber of our youth,” matud ni Deputy Regional Prosecutor Barbara Mae Flores, nagtumbok sa subo nga reyalidad nga kasagaran sa mga suspek sa maong krimen mga paryente lang sa mga biktima.
“We hope that this conviction would send a strong message to all perpetrators that this government is serious in its effort to protect our children and that this government has established linkages with foreign authorities and a strong network with other stakeholders to ensure their apprehension,” dugang pa niya.
Si Flores, kinsa mao sab ang chief of operations sa DOJ-IACAT-RATTF - Davao Region, nagdayeg sa WCPCMFU “for a job well done in the conduct of its case build-up investigation, which lasted more than several months.”
Sa kinatibuk-ang gisuportahan nga mga kaso sa IJM, 69 na ka tawo ang nahukman sa Pilipinas alang sa OSEC sukad 2011.
Ang IJM nisuporta sa mga ahensiya sa law enforcement sa Pilipinas sa ilang operasyon nga niresulta ngadto sa pagkasikop sa 217 OSEC perpetrators ug pagluwas sa 518 ka biktima ug kabataan nga naa sa peligro sa tibuok nasud. (WGM/Uban sa PR sa IJM)