SECTIONS
Monday, August 19, 2019
SUPERBALITA CEBU

Road safety curriculum sa tunghaan suportado

MGA opisyal sa Department of Education (DepEd) sa Sugbo ug sektor sa transportasyon uyon nga ilakip sa school curriculum sa K to 12 ang road safety.

Alang kanila, maayo ang tumong niini.

Si Dr. Benito Dagatan, DepEd Cebu City Superintendent, uyon sa pag-implementar niini, apan mapanagan-on.

“By principle, yes. As how to do it, I have not read it yet . Maybe it can be included in any compentencies or subjects where it is appropriate, thus enhancing the curriculum without the need to add subject or time”, matod pa ni Dagatan sa Superbalita Cebu.

Dugang pa niya mamahimong itudlo ang road safety uban sa kurikulum nga Araling Panlipunan, Values Education, o bisan pa sa English ug Filipino tungod kay ang mga magtutudlo aduna naman silay kaalam ug kahibawo kon kanus-a kini iapil sa ilang klase.

Sa pakighinabi sa Superbalita Cebu kang Ms. Evelyn R. Pielago, prinsipal sa Abellana National High School, apil na sa ilang curriculum ang pagtudlo sa mga estudyante sa road safety, apan depende lang kini sa hilisgutan kon dunay kalabutan sa kaluwasan sa karsada ug uban pa.

“Siguro if that is to be offered, not much in the high school. I would suggest it should be in the formative from kinder to Grade 6 kay kon sa high school, naa na silay integration ug nakat-on na sila ana,” dugang niya.

Ang DepEd sa Luzon nagsugod na og sulod sa road safety sa mga klase.

Dunay balaudnon, Senate Bill 1231 kun Road Safety and Comprehensive Driver’s Education Act of 2016 nga giduso ni Senador Grace Poe, apan naa pa sa committee level.

Tumong niini mao ang pag-edukar daan sa kabataan kalabot sa rules and regulations sa trapiko sa nasod.

Apil na usab niini ang pagtudlo og pagmaneho og sakyanan.

Samtang si Barili Councilor Julito Flores, presidente sa Cebu Provincial Bus Operators Association, uyon sab sa pag-implement niini nga apil sa kurikulum.

“Road safety is an advantage to all sector. Nindot na nga programa. Akong i-appreciate ang nag initiate anang programaha nga masulod sa curriculum. Gwapo kaayo na nga programa sa Dep-Ed ug hinaot unta nga ila kong imbitahon sa ilang forum regarding road safety aron naa sad koy mahatag nga input,” pag-uyon ni Flores.

Dugang pa niya, taas ang data sa vehicular accident sa human error nga anaa sa 90 percent sa kadalanan nga dakong risgo sa mga bus operators ug drivers.

Matod sa usa ka drayber sa bus, mas maayo nga masulod kini sa curriculum aron matudloan ang mga bata kay base sa iyang kasinatian, ang kabantan-onan karon magpataka lang og labang bisan pa og businahan pag-ayo.

Usahay ang sakyanan na lang ang molikay.

Ang World Health Organization (WHO) adunay natala nga 1.35 million nga nangamatay sa aksidente sa kadalanan sa miaging tuig sa tibuok kalibutan.

Kasagaran sa mga kaso naglakip sa kabatan-unan. Sa nasud adunay natala nga 12,000 nga namatay sa 2018 gumikan sa aksidente sa kadalanan.

Usa sa gituohang hinungdan niini mao ang kakuwang sa publiko og kahibawo kalabot sa road safety. (Chello Barellano ug Myla Tabio, CNU Comm Interns)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph