DAGHAN na ang excited sa pelikula nilang Anne Curtis ug Vice Ganda labi na sa mga followers nila sa noontime show nga “It’s Showtime”.
Tinud-anay na kini, ang mag-sis sa maong programa mahimong magsuon sa usa ka super riot sa komedi nga pelikula karong Disyembre.
Pang pamilya ug ang tema mahitungod sa sibling rivalry. Opisyal entry na ni sa umaabot nga Metro Manila Film Festival.
Morag dream come true kini sa duha nga makatrabaho sa pelikula, dugay nang managhigala ang Vice ug Anne, mao nga sobrang malipayon ang gibati nila karon.
Makauban usab nila ang Dimples Romana ug Tony Labrusca sa Star Cinema ug Viva films.
May molingaw na usab nato karong umaabot nga pasko ug magdungan ta’g bahakhak sulod sa sinehan, ay’g saba!
Romina ug Daniela, siguradong nailhan gyud kini ninyong tanan, ang duha ka bida sa seryeng “Kadenang Ginto” nga makita matag hapon.
Trending ug viral sa social media ang mga litrato sa duha, labi na sa kontrabidang si Daniela. Kon si Beauty Gonzalez pa napamatudan niya ang iyang worth sa showbiz ug napakita niya nga may talento gyud kini sa pag-arte gumikan sa iyang papel isip Romina.
Si Dimples Romana, kon nahinumdom mo sa iyang papel isip anak ni Sylvia Sanchez sa “The Greatest Love.” Gisundan sa iyang “mekene mekene tog tog doremi” isip babaylan sa serye nilang Liza Soberano ug Enrique Gil ug karon na usab isip Daniela.
Grabe ang impact nga nabuhat ni Dimples sa mga nagsunod sa Kadenang Ginto isip kontrabida.
Maglagot ka sa iyang papel unya karon sa pagkatap sa mga Daniela memes nga ilang gitawag, mahimuot kang magtan-aw niini.
Labaw sa tanan mapasalamaton sila sa tanang mga nagsunod sa ilang teleserye nga “Kadenang Ginto.” Ang padayong banggaan nilang Romina ug Daniela, lakip na usab sa ilang anak nga si Cassie (Francine Diaz) ug Marga (Andrea Brillantes).
Nisulod usab karon si Richard Yap isip Leon sa maong teleserye sa Kapamilya gold, ay’g saba!