TACLOBAN CITY, Leyte--Usa ka Chinese businessman ang gipusil alas 6:55 sa buntag, Dominggo, Hulyo 14, 2019.
Ang insidente nahitabo sa Lower Nula Tula, Maharlika Road, Barangay 74, Tacloban City.
Giila ang biktima nga si Manuel Tan, 50, tag-iya sa ACN Hardware.
Base sa inisyal nga imbestigasyon, niabot atubangan sa iyang tindahan ang biktima sakay sa Toyota Rush nga duna'y conduction sticker nga A7 0938.
Gibusinahan sa biktima ang ilang guard aron ablihan ang gate, sa dihang padung na kini ablihan, kalit niabot ang mga responsable.
Nitapad kini sa sakyanan ug gipamusil sa makadaghang higayon ang biktima.
Dali nga nisibat ang tulo ka mga responsable sakay sa usa ka motorsiklo.
Dali gidala sa Eastern Visayas Regional Medical Center ang biktima apan gideklarar kini nga dead on arrival ni Doctor Glenn Guzman.
Narekober sa crime scene ang tulo ka basiyo, duha ka buhing bala ug usa ka fired bullet sa kalibre .45 nga pistola.
Ang guwardya nakasaksi sa maong insidente.
Padayon karon ang follow up operation ug imbestigasyon sa motibo sa krimen. (Superbalita Cebu)