300 ka pamilyang biktima sa sunog nakadawat og gasa gikan ni Patana

NAKADAWAT og hinabang niadtong Sabado sa hapon, Hulyo 13, ang dili mominos 300 ka mga pamilya nga biktima sa dakong sa sunog sa Barangay Tipolo, dakbayan sa Mandaue sa miaging semana nga temporaryong gipahiluna sa compound sa Cebu International Convention Center (CICC) sa Reclamation Area.

Ang grocery items ug ubang panginahanglanon sa pamilya gikan sa negusyante ug entertainment promoter nga si Aida Patana nga nag-organisar sa gift-giving activity.

“Ako ning adbokasiya nga manghatag og hinabang sa nanginahaglan aron pagpaambit sa akong grasya nga nadawat. Nakaluy-an ra sab ko sa Kahitas-an nga the more ko manghatag, nag-abot-abot sad ang akong grasya..,” matod ni Patana, kinsa opisyal isip Mrs. Philippines World 2019 nga adto ipahigayon sa Paris, France karong Oktubre 26, kinsa mapasalamaton usab sa iyang sponsors.

Bahin sa pageant, si Patana nakanayon nga “dream come true gyud ni nako nga makaadto sa Paris ug representane pa sa nasod sa world beauty pageant.”

“Grabe, excited kaayo ko sa competition. Daghang mangoyog nako aron pagsporta so lingaw. Imagine sa kalayo sa Europe,” matod ni Patana nga mapasalamton nga gi-hand pick nga morepresentar sa maong indigay nga nagsentro sa gahom sa mga inahan nga dili lang diha pagmatuto sa mga bata ug pamilya, apan pagpangulo sa kawsa nga pangkatilingban, sama sa gift-giving ug uban pa.

Matod ni Patana, ang pagtabang himuon na niya institusyon pinaagi sa pag-abli og programa nga ‘Pangkabuhayan ni Aida sa TV’ sa CCTN Channel 47 matag Sabado nga magsugod na karong Hulyo 27, alas 2:00 sa hapon hangtod sa alas 3:00 sa hapon.

“Tudloan nako ang katawhan unsaon sa pagsugod ug pagdumala ang business. Tabangan nato ang katawhan kay moadto ko sa barangay..” pulong ni Patana,

Dugang niya, “to give them more opportunity to bring blessings to everybody helping one another here or even abroad on TV. Kabuhayan ni AIDA sa TV will guide them on their needs, dreams and aspirations to do business and join livelihood programs.”

Lakip sa grasya nga iyang gibutyag mao ang pagsugod usab sa iyang showbiz ug lifestyle radio program ‘The Aida Patana Show sa Energy FM nga sugdan katong Hulyo 21.

“The is the first entertainment and livelihood TV program in Cebu. It’s about sharing of products and services for the people in each barangays and to be the ‘bridge’ to unite the barangay around the best bayanihan livelihood show to deliver inspiring stories, entertaining event and shows, relevant news. To help facilitate the officials with a show as it keeps them connected..." dason ni Patana. (PR)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph