SECTIONS
Friday, August 23, 2019
SUPERBALITA CEBU

Tunga sa milyon nga drugas sakmit

PHOTO CAPTION: CEBU. Moabot sa tunga sa milyon ka pesos nga balor sa ilegal nga drugas ang nasakmit sa manag lahi nga operasyon sa Dakbayan sa SUgbo. (Contributed photos)

MOABOT sa tunga sa milyon ka pesos nga balor sa ilegal drugas ang nasakmit sa kapulisan sa Dakbayan sa Sugbo ug sa Philippine Drug Enforcement Agency (Pdea) atol sa manag lahi nila nga anti-drug operation Sabado, Hulyo 13, 2019.

Sa Sawang Calero nasikop sa Police Station 6 si Judy Alesna Lodonia alyas Aloy, 43, taga Block 4, Barangay Sawang Calero, sa Dakbayan sa Sugbo.

Nakuhaan siya og walo ka pakete sa gituohang shabu nga motimbang ang tanan sa 40 grams nga mobalor sa P272,000.

Sa Barangay Calamba nadakpan sa Criminal Intelligence Branch ang duha ka 18-anyos nga mga drug personalities atol sa buy-bust operation.

Ang mga dinakpan mao silang Reymar Donayre, 18, taga Sitio Paglaum, Barangay Calamba ug Jasper Ybañez, 18.

Nasakmit sa ila ang 10 ka pakete sa gituohang shabu nga mobalor sa P170,000.

Samtang dia'y drug den sa Lower Calaju-an, lungsod sa Minglanilla ang gironda sa mga sakop sa Philippine Drug Enforcement Agency nga miresulta sa pagkasikop sa pito ka mga tawo lakip na ang drug den maintainer nga si Christian Mark Ariar.

Moabot usab sa 36 ka pakete sa gituohang shabu ang nasakmit sa mga operatiba sa Pdea Central Visayas nga mobalor ang tanan sa P81,600.

Matud ni Leia Alcantara, information officer sa Pdea Central Visayas, usa ka semana nga gipanid-an ang suyopanan human makadawat og report gikan sa mga residente.

Ang mga nangadakpan mao silang Arnel C. Lañojan, construction worker, Harvey M. Ravanes, habal-habal driver, Alejandro A. Lariosa, Manuel D. Fiel, Allen D. Ancheta, family driver ug Jovito C. Mahinay Jr., habal-habal driver.

Nakadagan ang main drug maintainer nga si Remil Larobes apan gipasakaan gihapon kini og kaso sa Pdea Central Visayas.

Gidugang ni Alcantara nga ila pang sutaon kon sakop ba sa usa ka sindikato sa ilegal nga drugas ang nagpadagan sa drug den.

“Wala pa ta'y evidence linking the suspects to a drug group but that's one of the angles we're pursuing in the investigation,” matud ni Alcantara.

Gipaubos na sila sa imbestigasyon kon asa gikan ang suplay sa ilegal nga drugas nga ilang gibaligya sa ilang mga kustomer. (Superbalita Cebu)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph