PATAY ang duha ka miyembro sa New People's Army (NPA) atol sa engkuwentro tali sa tropa sa 75th Infantry Battalion (IB) sa Barangay Bunawan Brook, Agusan del Sur alas 3:45 sa hapon, Sabado, Hulyo 13, 2019 samtang naglusad og security operations ang mga sundalo.
Ang engkuwentro nilungtad og 15 minutos nga gikamatay sa duha ka mga sakop sa NPA.
Narekober gikan sa nahitaboan mao ang Norinco AK 47 rifle, usa ka M16A1 rifle, usa ka calibre 45 pistol, usa ka hand grenade, empty magazines sa AK47 ug M16 ug mga backpacks.
Matud ni 75th IB Lieutenant Colonel Jaime Datuin, ang engkuwentro batok NPA resulta sa gihatag nga impormasyon sa mga molupyo sa lugar nga nangilkil kanila ang mga sakop sa NPA.
Gisulti ni Datuin nga ang duha ka NPA nga napatay mga sakop sa Guerilla Front 14 ilawom sa pagpangulo ni Arnold Orlanes alyas Jorlan nga naglihok sa Agusan del Sur ug Surigao del Sur.
Gisiguro sa militar sa lugar nga ilang ipadayon ang pagbantay sa ilang areas of responsibility aron nga di makasabwag og kasamok ang mga rebeldeng NPA.
Gidayeg sab ni 401st Infantry Brigade Commander Colonel Allan Hambala ang tropa sa 75th IB.
“We will continue to intensify our security operations in the Brigade's area of responsibility to neutralize the remaining members of this terrorist NPAs to boost the confidence of our local government units in facilitating the localized implementation of EO 70 in the province. We now have three neutralized NPAs and four high powered firearms recovered just this week, and I strongly believe, this will send a strong message to these terrorists,” matud ni Colonel Hambala.
Gipanawagan sab sa opisyal ngadto sa mga rebelde nga mobalik sa sabakan sa balaod ug pahimuslan ang amnestiya sa gobyerno.
“Avail now of the government’s amnesty initiative or die later. You are free to choose,” dugang pa ni Colonel Hambala.
Mga patay nga lawas sa mga rebelde gihatud ngadto sa Dolete Funeral Homes sa Trento alang sa pag-ila ug saktong disposasyon. (WGM/PR)