SECTIONS
Sunday, August 18, 2019
SUPERBALITA CAGAYAN DE ORO

Super Pelikula: ‘Family History’ kumpleto ang timpla alang sa viewers

KUMPLETOS rekados nga pelikula maoy pasalig sa aktor nga si Michael V. sa gikatakdang showing sa pelikula nila nga “Family History” nga mobukas sa mga sinehan lukop nasud karong Hulyo 24.

Atol sa mediacon Sabado, Hulyo 13, kon hain personal nga nahidangat sa Cagayan de Oro si Bitoy alang sa pag promote sa iyang pelikula lakip na niini ang pagpahigayon sa Kapuso Mall Show sa Ayala Mall.

Dinhi iyang gipaabot sa mga sakop sa media nga kini sab ang labing unang higayon nga magkauban sila sa big screen sa banggiitang artista nga mao si Dawn Zulueta kinsa gitakdang magbalik Kapuso.

Gipangutana sa Superbalita Cagayan de Oro kun giunsa niini pagkumbinsir si Dawn nga mahimong kapartner sa pelikula.

"She's a first choice for a lot of reason, unang-una kami ang magka-edad eh, nag-research kami kung sino yong mga artista na pinanganak ng 1969, isa yun. Kasi kung kukuha ka ng artista na parang mas bata sayo parang hindi ganoon ka realistic," pasabot ni Bitoy.

“On top of that si Dawn Zulueta ay magaling na artista, respetado ng lahat at saka yong acting niya pagdating sa drama hindi mo matatawaran, e yong kailangan ng movie, yong hinihingi ng script, ganoong klaseng pagkatao kaya siya yong choice, may mga second choice pero prayer namin na sana umo-o," dugang niini.

Moabot sab ngadto sa usa ka tuig nga gisulat mismo ni Michael V ang script sa pelikula ug karon nahatagan na gyud kini og katumanan.

Gawas nga siya mao ang aktor niini siya sab ang direktor sa pelikula hinungdan usa kini sa iyang labing dako nga gihimo sa iyang career isip usa ka artista.

"Yong story kasi is perfect si Dawn to deliver the drama aspect of the story, ako yong comedic part, ako yong taga bali. Si Dawn bilang artista siya yong nag pipave ng way para mas effective yong punchline," pasabot niini.

Dugang niini ang pelikula iyang ikapasalig sa mga viewers nga sulit ug siguradong malingaw ang katawhan.

Gawas sa paghatag og tips unsaon nga mahimong maayong komedyante, naghatag sab kini og tips ngadto kung unsaon mahimong usa ka script writer.

Si Bitoy usa sa giilang pinakasikat nga artista sa industriya ug mga big hit ang mga kanta niini. Top rating sab ang iyang mga comedy sitcom sa GMA 7.

“I’ve always wanted to work with Bitoy. Always. I’m a fan. ‘Yung mga characters niya sa TV, tuwang-tuwa talaga ako.” matud ni Dawn.

Karong Hulyo 24 ang GMA Pictures ug Mic Test Entertainment mopagawas sa “Family History,” usa ka heart-warming movie nga naghisgot sa kalidad sa kinabuhi, kaminyoun ug gugma nga maoy rason mobalik sa puloy-anan.

Ang pelikula gisulat, giproduce ug gidirek sa Kapuso Comedy Genius Michael V.

Ang mokumpleto sa cast niin mao ang mga talentadong Kapuso stars nga mao sila si Miguel Tanfelix ug Bianca Umali.

Naa sab sila ni John Estrada, Paolo Contis, Nonie Buencamino, Kakai Bautista, Ina Feleo, Mikoy Morales, Nikki Co, Jemwell Ventenilla ug Vince Gamad.

Samtang ang Primetime King nga si Dingdong Dantes ug multi-awarded comedienne ug TV host Eugene Domingo adunay special cameo roles nga angayan sab atngan sa katawhan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph