Blatche sakto sa kondisyon; moapil na sa ensayo sa Gilas

NAKATAKDA nang moapil si naturalized player Andray Blatche sa ensayo sa Gilas Pilipinas karong adlawa alang sa kampanya niini sa 2019 FIBA Basketball World Cup nga sugdan karong Agusto 31 sa China.

Ang kanhi magduduwa sa National Basketball Association (NBA) naabot sa nasod niadtong Sabado ug nakighimamat dayon kini kang national coach Yeng Guiao, Gilas team manager Gabby Cui ug Special Assistant to Samahang Basketbol ng Pilipinas (SBP) president Ryan Gregorio.

Nagkanayon si Cui nga sa iyang tan-aw, naa sa saktong kondisyon si Blatche ug tataw nga wala kini nagpasagad sa iyang kaugalingon dihang naa pa kini sa Amerika.

Lakip sa mga ningsugat kang Blatche sa iyang paghiabot mao si SBP president Al Panlilio.

“It is a great development that he is here early to get reacquainted with his teammates and coaches as we get ourselves ready for the FIBA World Cup in China,” matod ni Panlilio sa interbyu sa Spin.ph.

“We are excited to see a full Gilas Pilipinas roster who will be ready to fight for flag and country.”

Sa dili pa sila mosagubang og malisod nga mga tahas sa China, ang Gilas Pilipinas mosalmot una og pocket tournament sa Spain isip tipik sa ilang hugot nga pagbansaybansay. (ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph