SECTIONS
Wednesday, August 21, 2019
SUPERBALITA CEBU

Barrita: ‘Stop, look and listen’

SA NAG-ESKUYLA pa kami sa elementarya, sa Mababang Paaralan ng Cabadiangan, gitudloan na kami sa among mga magtutudlo og road safety, labi na sa pagtabok sa karsada. Niadtong panahona, usa ra ka buok trak ang nagbiyahian sa Cabadiangan.

Ang among karsada rough road pa, abog kon ting-init, lapok kon ting-uwan. Unsaon wa pa man sab kaniadto si Gobernador Gwen Garcia nga maoy nakapaaspalto sa mga karsada sa Cabadiangan sa habig sa Liloan ug Compostela.

Sa unom ka tuig ubos ni kanhi gobernador nga karon Bise Gobernador Junjun Davide III, wa na maatiman ang mga karsada sa Cabadiangan. Basin maaspalto nig balik karon nga nibalik na si Governor Gwen sa Capitol.

***

Ang gitudlo namo bahin sa road safety mao kini, “Stop, Look and Listen.” Ayaw diretsog tabok sa karsada. Hunong una. Lingi sa wala ug tuo kon wa bay sakyanan nga nagdung. Unya paminaw kon wa ka bay nadungog nga andar sa sakyanan.

Kaniadto lagi usa ra ka buok ang trak nga nagbiyahian sa Cabadiangan nga molahos sa Carbon Market. Dihay bana nga giaway sa asawa ug niingon nga magpaligis. Nihigda siya sa karsada apan nabuntagan na lang wa gyud maligsi.

Karon gamit na kaayo ang stop, look and listen kay daghan na kaayong mga sakyanan, labi na ang mga habal-habal nga nagdagan didto sa Cabadiangan. Sirit-sirit lang ra ba.

***

Si Cebu City School Division Superintendent Bianito Dagatan andam siya nga ilakip sa curriculum ang pagtudlo sa road safety ngadto sa mga estudyante gikan sa kindergarten hangtod sa grade 12.

Samtang si Vice Mayor Julie Flores sa Barili, ang chairman sa Cebu Provincial Operators Transport Cooperative, niingon nga ang pagtudlo sa traffic rules makaayo kay ang mga estudyante mahimo unyang mga disiplinado nga motorista inig dako nila.

Mosangpot kini sa kaluwasan sa mga pedestrian ug aron di sab magdanghag ang mga motorista. Sumala ra ba sa World Health Organization (WHO) 12,000 ka mga Pilipino ang nangamatay sa aksidente sa kadalanan sa miaging tuig lang.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph