ANG kontrobersiyal nga si Coco Arayha Suparuk maoy midaog sa Miss Grand Thailand 2019 nga gihimo sa Bangkok International Trade and Exhibition Center, Bangkok niadtong Sabado, Hulyo 13.
Miguwang mananaog si Suparuk tali sa 70 ka mga kandidata.
Siya maoy ipadala isip pambato sa Thailand sa Miss Grand International 2019 pageant nga ipahigayon sa Venezuela karong Oktubre 25, diin usa sa iyang kaatbang ang representante sa Pilipinas nga si Samantha Ashley Lo, taho sa PEP.ph.
Sa sayo pa, nakontrobersiyal si Suparuk nga niresulta sa pag-bash sa mga netizen ngadto niya sa dihang iyang gitandi ang panglawas ni Miss Universe 2018 Catriona Gray ngadto ni Miss Grand International 2018 Clara Sosa sa Paraguay.
Kay “FIT” si Sosa samtang “FAT” si Catriona. (B)