Super B linawas nga mo-cover sa Pacquiao-Thurman fight

ANG SunStar Superbalita Cebu mohatod na usab kaninyo sa mga labing ulahing kalambuan ug aksyon sa sulod ug gawas sa MGM Grand atol sa Manny “Pacman” Pacquiao vs Keith “One Time” Thurman Championship sa boxing fight capital of the world, ang Las Vegas, Nevada.

Ang US-based correspondent nga si Daniel Quindao Guden usa lang sa gatosan ka mga tigbalita nga accredited media members sa Pacquiao-Thurman showdown.

Makadaghan na nga ni-cover si Guden sa mga boxing fights ni Pacquiao sa Amerika.

Unang US tour of duty ni Guden mao ang away nila ni Pacquiao vs Ghana, Africa’s Joshua “Grand Master” Clottey niadtong Marso 13, 2010 sa Dallas Cowboys Stadium sa Arlington, Texas.

Si Guden mikober usab sa Pacquiao vs Timothy “Desert Storm” Bradley-3 niadtong (Abril 9, 2016), Pacquiao vs Jessie “Ruthless” Vargas (Nobyembre 5, 2016), ug Pacquiao vs Adrian “The Problem” Broner (Enero 19, 2019).

Gawas sa pagsulat alang sa inyong kinaham nga Superbalita Cebu, ang mantalaang binisaya nga nagbase sa Sugbo, inyo sab masundan ang Pacquiao (61-7-2, 39KO) vs Thurman (29-0, 22KO) breaking news ug exclusive interviews nga ipatik sa Superbalita Cebu Facebook Page ug SunStar Superbalita Cebu website.

Ang Pacquiao vs Thurman world title fight alang World Boxing Association (Super WBA) Welterweight 147-lb gidalit sa TGB Promotions ug MP Promotions.

Gawas sa Pacquiao vs Thurman, laing atangan sa mga boxing fans mao ang panagbagat nila ni Caleb Plant vs Mike Lee alang sa IBF Super Middleweight championship, Luis Nery vs Juan Carlos Payano alang sa WBC Silver Bantamweight Title.

Duha mga Pinoy boxers ang moaway usab sa undercard sa Pacquiao vs Thurman naglakip nila ni MP Stable Genisis “Cobra” Libranza, 18-1, 10KO (Cabadbaran, Agusan del Sur) ug Jay-ar “Hitman” Inson 18-2, 12KO (Davao City). (Daniel Quindao Guden, US Correspondent)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph