‘Dengue outbreak’ di ideklara sa Davao
BISAN pa sa pagtaas sa mga kasong dengue sa dakbayan sa Davao, ang City Health Office (CHO) way nakitang hinungdan aron magdeklara og “dengue outbreak”.
Sumala sa CHO, dunay kinatibuk-ang 1,121 natala nga mga kasong dengue gikan Enero hangtud Hunyo 30 karong tuiga.
Nitaas kini og halos doble gikan sa 645 nga kaso sa milabay nga tuig sa samang panahon.
Hinuon ang ihap sa namatay, wala nitaas, nga dunay lima sa samang mga panahon niadtong 2018 ug karong tuiga.
Ang pinakabata sa nakalas nagpangedaron pa lang og pito ka bulan, samtang pinakatiguwang nag-edad og 74.
Sa mga nailang dengue hotspots mao ang mga distrito sa Talomo North, Toril, Agdao, Talomo Central, ug Buhangin.
Gisulti ni CHO-Tropical Disease Prevention and Control Division (TDPCD) head Beth Banzon ngadto sa SunStar Davao nga way basehan aron nga ideklara ang province-wide dengue outbreak tungod kay ang kasamtangang ihap wa makaabot sa 2010 data nga dunay kapin 10,000 nga kaso sa dengue nga natala.
“Kung wala pa mi nanglihok ron, seguro kanang data nato ron mosaka kini og times four,” butyag ni Banzon.
Hinuon matud sa opisyal nga ang dakbayan nagpahugot na sa ilang information education campaign (IEC) sa tanang mga barangay sa siyudad.
She also said CHO since the city had introduced the usage of Dengue NS1 Rapid Diagnostic Test (RDT) kit that detects the presence of dengue virus as fast as 15 minutes, the lower of morbidity had reduced despite the increasing number of dengue cases.
Giklaro niini nga mga molupyo kinahanglan nga motampo sa pagpakig-away batok sa dengue pinaagi sa paglusad og 4S practice, nga nagpasabot og “searching” ug pagbungkag sa mga lugar nga gipuy-an sa lamok; “securing self-protection measures” sama sa pagsul-ob og taas nga pantalon ug long-sleeved nga sinina ug matag adlaw nga paggamit og mosquito repellent, “seeking” sayong konsultasyon; ug “support” sama sa fogging ug pag-esprey sa mga lugar nga daghan og lamok.
Bag-ohay pa lang, ang kagamhanan sa Island Garden City of Samal (Igacos) nagdeklara og state of calamity tungod sa dengue outbreak.
Sumala sa Igacos City Health Office (CHO) - Epidemiology and Surveillance Unit, dunay 249 ka kasong dengue nga natala gikan Enero hangtud Hunyo karong tuiga. (RGL)