GIHUPAY sa Philippine Institute of Volcanology and Seismology (Phivolcs) ang mga kahadlok sa publiko taliwala sa mga sunod-sunod nga pagtay-og nga nasinati ning bulana, ug nagkanayon nga normal lang kini tungod kay ang Pilipinas kasagaran makasinati og average nga 20 ka linog matag adlaw.
Si Svetlana Cataoera, project assistant 1 sa Phivolcs Davao Field Office, nagsulti sa press forum Lunes, Hulyo 15, nga ang publiko way angay nga ikabalaka sa sunod-sunod nga linog sa nakalabay nga mga adlaw kay normal lang kini tungod sa geographical nga lokasyon sa nasud.
“It is natural and we need to have an earthquake enable for the earth to survive. Kung walay linog, actually, ang linog mag-protect sa atoa para mo-survive ang earth,” tin-aw pa niya.
Sayo niini, magnitude 5.6 nga linog niigo sa North Cotabato sa Hulyo 9 nga inisyal nga gitaho nga magnitude 5.3. Sumala pa nga tectonic kini ug nahitabo sa alas 8:37 sa gabii, uban sa epicenter nga nahimutang otso kilometros (km) sa habagatang kasadpan sa Makilala, North Cotabato. Duna kini gilawmon lima ka km. Sa Davao City, ang linog mabati sa intensity 4.
Human sa maong linog, nakamugna kini og daghan pang mga aftershocks o sunod-sunod nga pagtay-og. Nitala ang Phivolcs og kinatibuk-ang 62 ka aftershocks usa ka adlaw human sa insidente.
“Basically, daghan og history na. Dili mo dapat maguol because it’s natural. Matingala ta karon sige lageg linog, nahitabo man gud na tungod kay naa natay Facebook, mga text. Paspas nalang kaayo mag-inform sa atong mga silingan, mag post,” dugang pa niya.
Iya hinuong gihimakak nga ang linog panahunon (seasonal). Wala pay butang nga makadeparal kon kanus-a mahitabo ang linog. Di sama sa bagyo nga dunay mga forecast.
“When an earthquake strikes, meron siyang tinatawag na aftershock so pag aftershock normal ‘yan kasi pag gagalaw ang lupa, for example nangyari po yong 5.6 diba, kailangan gagalaw siya [ulit]. Mag aadjust ‘yong lupa para maging stabilize siya ulit,” butyag niya.
Gikanayon niini, “Actually, everywhere and every day, naa mi ma-record nga 20 ka quakes in the Philippines and its normal.” (JCR)